.jpg)
មេដឹកនាំបក្សភូមិចៃថៃ លោក Anutin Charnvirakul ធ្វើសន្និសីទកាសែត។ BKP
ក្រុងបាងកកៈ អ្នកគ្រប់គ្នានឹងតាមដានគណបក្សភូមិចៃថៃ និងបក្សប្រជាធិបតេយ្យ កាលពីថ្ងៃចន្ទ ខណៈគណបក្សទាំង ២ គ្រោងនឹងពិគ្រោះគ្នា និងប្រកាសសម្ព័ន្ធមិត្តជាមួយនឹងគណបក្សភឿថៃ។
គណបក្សភូមិចៃថៃ បានប្រជុំណែនាំរយៈពេល ២ ថ្ងៃ ដែលបានបិទបញ្ចប់កាលពីថ្ងៃចន្ទ នៅខេត្តប៊ុរីរ៉ាំ ជាការពង្រឹងនយោបាយរបស់ខ្លួន ដើម្បីរៀបចំក្រុមអ្នកនយោបាយជាប់ឆ្នោតទាំង ៥១ នាក់របស់ខ្លួន ដើម្បីកាន់តួនាទីថ្មីរបស់ពួកគេ ជាតំណាងរាស្ត្រ ខណៈការប្រជុំសភាដំបូង គ្រោងធ្វើឡើងនៅថ្ងៃទី ២២ ខែ ឧសភាខាងមុខនេះ។ វត្តមាននៅក្នុងជំនួបនោះ គឺជាការបង្ហាញខ្លួនជាផ្លូវការមួយចេញពីគណៈកម្មការជាតិប្រឆាំងអំពើពុករលួយ (NACC) ដែលត្រូវបានអញ្ជើញឲ្យចូលរួមពិភាក្សាជាមួយក្រុមតំណាងរាស្ត្រ អំពីសារៈសំខាន់នៃការប្រកាសទ្រព្យសម្បត្តិ និងបំណុលរបស់ពួកគេ។
នៅពេលជំនួបនោះ នៅតែបន្តធ្វើឡើង ដោយត្រូវបានគេជឿជាក់យ៉ាងមុតមាំថា ក្រុមនាយកប្រតិបត្តិរបស់បក្សភូមិចៃថៃ ដែលដឹកនាំដោយមេដឹកនាំរបស់ខ្លួន គឺលោក Anutin Charnvirakul នឹងពិភាក្សាអំពីជំហររបស់ពួកគេ ជុំវិញបញ្ហានៃការបង្កើតរដ្ឋាភិបាលចម្រុះអាណត្តិក្រោយ នៅពេលជំនួបលើកដំបូងនោះ បានបិទបញ្ចប់នោះ។
អ្នកនាំពាក្យបក្សលោក Ramet Rattanachawent ថ្លែងថា លោក Jurin Laksanavisit បានប្រជុំជាមួយនាយកប្រតិបត្តិបក្ស ដើម្បីបែងចែកការទទួលខុសត្រូវ និងក្រុមការងារ នៅមុនប្រជុំសភា៕ BKP/SK
