.jpg)
ប្រធានគណៈកម្មាធិការរៀបចំការបោះឆ្នោត Itthiporn Boonprakong។ BKP
ក្រុងបាងកកៈ គណៈកម្មាធិការរៀបចំការបោះឆ្នោតថៃ (EC) រំពឹងទុកថា ការរៀបចំមណ្ឌលបោះឆ្នោតជាថ្មី នឹងត្រូវចប់សព្វគ្រប់នៅដើមខែវិច្ឆិកា ដែលនឹងឲ្យពេលវេលាដល់បណ្តាគណបក្សនយោបាយយ៉ាងតិច ៣០ ថៃ្ងដើម្បីធ្វើការបោះឆ្នោតដំបូង។
ប្រធាន EC លោក Itthiporn Boonprakong បានថ្លែងថាការរៀបចំមណ្ឌលបោះឆ្នោតសម្រាប់ការបោះឆ្នោតទូទៅបានចាប់ផ្តើម ក្រោយពី EC បានអនុម័តបទបញ្ជាមួយចំនួនដែលគ្រប់គ្រងការរៀបចំមណ្ឌលបោះឆ្នោត កាលពីថ្ងៃអង្គារ។
លោក បានថ្លែងថា ប្រធានគណៈកម្មាធិការបោះឆ្នោតខេត្តនឹងចំណាយពេល ១៤ ថ្ងៃដើម្បីរៀបចំមណ្ឌលបោះឆ្នោត ដែលនឹងត្រូវប្រកាសជាសាធារណៈរយៈពេល ១០ ថ្ងៃ និងត្រូវដាក់ជូនទៅគណៈកម្មាធិការរៀបចំ ការបោះឆ្នោតពិនិត្យសម្រេច។
ដំណើរការទាំងស្រុង គួរប្រើពេលប្រហែល ៥៥ ថ្ងៃ និងត្រឹមថ្ងៃទី ៦ ខែវិច្ឆិកា គណបក្សទាំងអស់ គួរអាចដំណើរការដោយការបោះឆ្នោតបឋមមុននឹងច្បាប់ស្តីពីការបោះឆ្នោតសមាជិកសភា ចូលជាធរមាននៅ ថ្ងៃទី ១១ ខែធ្នូ។
លោកបានថ្លែងថា ប្រសិនបើអាចធ្វើរួចរាល់ឆាប់ គណបក្សនយោបាយទាំងអស់នឹងមានពេលវេលាច្រើន។
បើយោងតាមការប្រកាសរបស់ទីភ្នាក់ងារស្ទង់មតិដែលត្រូវបានបោះពុម្ពផ្សាយក្នុងកាសែតភូមិន្ទបានឲ្យដឹងថាទន្ទឹមគ្នានោះ ខេត្តចំនួន ២៣ នៅក្នុងនោះមានក្រុងបាងកក នឹងឃើញចំនួននៃសមាជិកត្រូវកាត់បន្ថយ។ ខេត្តទាំងនេះ បានត្រូវកំណត់ឲ្យមានសមាជិកសភាតិច៕
