.jpg)
មេដឹកនាំកូរ៉េខាងជើងលោក គីម ជុងអ៊ុន (ឆ្វេង) នឹងជួបជាមួយលោក វ្ល៉ាឌីមៀរ ពូទីន នៅសប្តាហ៍នេះ។ Yonhap
ក្រុងសេអ៊ូលៈ នៅអំឡុងមេដឹកនាំកូរ៉េខាងជើង លោក គីម ជុងអ៊ុន ជប់លៀង និងញាំអាហារពេលល្ងាច ជាមួយ លោក វ៉្លាឌីមៀរ ពូទីន នៅរុស្ស៊ីក្នុងសប្តាហ៍នេះ ពលរដ្ឋរបស់លោកប្រហែល ១ ម៉ឺននាក់ កំពុងធ្វើការដោយការលំបាកនឿយហត់នៅទូទាំងប្រទេសនេះ ដើម្បីសន្សំប្រាក់សម្រាប់រដ្ឋាភិបាលរបស់លោក។
ក្រុមអ្នកវិភាគបាននិយាយថា លោក គីម ជុងអ៊ុន នឹងពង្រឹងទំនាក់ទំនងសេដ្ឋកិច្ចជាមួយក្រុងម៉ូស្គូ ក្រោយពីការចរចាអាវុធនុយក្លេអ៊ែររបស់លោក ជាមួយក្រុងវ៉ាស៊ីនតោនបានជាប់គាំង ហើយខណៈលោកបានស្វែងរកឲ្យមានតុល្យភាពមួយជាមួយក្រុងប៉េកាំងដែលបច្ចុប្បន្នជាសម្ព័ន្ធមិត្ត និងជាច្រកសេដ្ឋកិច្ចដ៏សំខាន់របស់ក្រុងព្យុងយ៉ាងផងដែរនោះ។
ភាគីទាំង ២ ត្រូវបានគេរំពឹងថានឹងជួបគ្នានៅកំពង់ផែ Vladivostok ប្រទេស រុស្ស៊ី ភាគខាងកើតនៅថ្ងៃពុធ ឬ ថ្ងៃព្រហស្បតិ៍ទៅតាមលទ្ធភាពដែលអាចធ្វើទៅបាន នៅក្នុងជំនួបដំបូងរវាងក្រុមមេដឹកនាំកូរ៉េខាងជើងនិងរុស្ស៊ី ចាប់តាំងពីលោក គីម ជុងអ៊ីល បានជួបជាមួយ លោក Dmitry Medvedev កាលពី ៨ ឆ្នាំមុននោះ។
កម្លាំងការងារ គឺជាផ្នែកនៃ ការនាំចេញសំខាន់ៗ និងប្រភពចំណូលរបស់កូរ៉េខាងជើង។ កម្លាំងការងារនេះបានផ្តល់ឲ្យក្រុមកម្មករស្ថិតនៅក្រោមកិច្ចសន្យាមួយក្រុមអង្គភាពនៅក្រៅប្រទេស ហើយក្រុមសិទ្ធិមនុស្សបាននិយាយថា រដ្ឋាភិបាល បានរឹបអូសយកប្រាក់ខែរបស់ពួកគេ។
នៅក្នុងរបាយការណ៍ឆ្នាំ ២០១៧ ក្រុមឃ្លាំមើលសិទ្ធិមនុស្សបាននិយាយថា ការយកចិត្តទុកដាក់របស់ពួកគេមិនដល់ស្តង់ដាការងារអន្តរជាតិ ដោយគ្មានសិទ្ធិសេរីភាពបញ្ចេញមតិយោបល់ ត្រូវបានគ្រប់គ្រងដោយអ្នកឃ្លាំមើល ដែលកំណត់សេរីភាពដើរហើរ និងលទ្ធភាពទទួលយកព័ត៌មានពីពិភពខាងក្រៅធ្វើការងារច្រើនម៉ោង និងគ្មានសិទ្ធិបដិសេធការងារថែមម៉ោង។
ទោះបីជាយ៉ាងណាក៏ដោយ ក៏ក្រុមវិភាគនិយាយថា តួនាទីជាច្រើនត្រូវកាន់ដោយពលរដ្ឋកូរ៉េខាងជើង ខណៈពួកគេបំពេញកាតព្វកិច្ចរបស់ពួកគេហើយពួកគេមានឱកាសរកលុយសម្រាប់ខ្លួនពួកគេ។
យោងតាមអង្គការសហប្រជាជាតិបានឲ្យដឹងថា រុស្ស៊ី គឺជាអតិថិជនធំបំផុតទី២ របស់ក្រុងព្យុងយ៉ាង បន្ទាប់ពីចិន ដោយពលរដ្ឋកូរ៉េខាងជើងធ្វើការរុករករ៉ែ កាប់ឈើ វាយនភណ្ឌ សំណង់ ភាគច្រើននៃពួកគេធ្វើការនៅចុងខាងកើតនៃប្រទេសនេះ។
ស្ថានការណ៍បែបនេះបានធ្វើឲ្យលោក គីម ជុងអ៊ុន និង ពូទីន មានការចាប់អារម្មណ៍រួមគ្នា នៅក្នុងការបន្ធូរបន្ថយទណ្ឌកម្មរបស់ក្រុមប្រឹក្សាសន្តិសុខដែលត្រូវបានដាក់ទៅលើកូរ៉េខាងជើងជុំវិញកម្មវិធីអាវុធនុយក្លេអ៊ែររបស់ខ្លួន៕ AFP
