.jpg)
ផែនទី និងព័ត៌មានស្តីពីកិច្ចព្រមព្រៀងនុយក្លេអ៊ែរអ៊ីរ៉ង់ឆ្នាំ ២០១៥ នៅមុនខួបលើកទី១ នៃការដកខ្លួនចេញរបស់ US ចេញពីកិច្ចព្រមព្រៀងនេះ។ AFP
ក្រុងវ៉ាស៊ីនតោនៈ ការភ័យខ្លាចជម្លោះបានកើនឡើងកាលពីថ្ងៃចន្ទ ខណៈអាមេរិកបានប្តេជ្ញាចិត្តបញ្ជូនសារមួយទៅកាន់ប្រទេស អ៊ីរ៉ង់ ដោយការដាក់ពង្រាយក្រុមនាវាផ្ទុកយន្តហោះចម្បាំងនៅចំពេលមានរបាយការណ៍មួយបានរាយការណ៍ឲ្យដឹងថា ក្រុងតេអេរ៉ង់ កាត់បន្ថយការប្តេជ្ញាចិត្តរបស់ខ្លួនស្ថិតនៅក្រោម កិច្ចព្រមព្រៀងអាវុធនុយក្លេអ៊ែរ មួយ ក្រោយពីរងការដាក់សម្ពាធពីលោកប្រធានាធិបតីអាមេរិក ដូណាល់ ត្រាំ។
លោក Patrick Shanahan ជារដ្ឋមន្ត្រីការពារជាតិអាមេរិកស្តីទី បានថ្លែងថា លោកបានអនុម័តឲ្យមានការដាក់ពង្រាយក្រុមនាវាផ្ទុកយន្តហោះចម្បាំង USS Abraham Lincoln ទៅកាន់ដែនទឹកមិនច្បាស់លាស់ នៅក្បែរ ប្រទេស អ៊ីរ៉ង់ ជាការឆ្លើយតបទៅនឹងការបង្ហាញនៃការគំរាមកំហែងគួរឲ្យជឿជាក់មួយ ដោយកងកម្លាំងរបបអ៊ីរ៉ង់រួចមកនោះ»។
លោក Patrick Shanahan បានថ្លែងនៅក្នុងគេហទំព័រធ្វីធើរថា៖ «យើងអំពាវនាវឲ្យរបបអ៊ីរ៉ង់ បញ្ឈប់រាល់ការបង្កហេតុទាំងអស់។ យើងនឹងបង្ខំឲ្យប្រទេស អ៊ីរ៉ង់ ទទួលខុសត្រូវចំពោះការវាយប្រហារណាមួយត្រូវបានធ្វើឡើងទៅលើកងកម្លាំងរបស់អាមេរិក ឬផលប្រយោជន៍នានារបស់ពួកយើងនោះ»៕ AFP/SK
