បុរីញូវយ៉ក: កាលពីថ្ងៃពុធ ប្រេសិតពិសេសចិនម្នាក់បានថ្លែងថា ចិនសូមប្រឆាំងយ៉ាងពេញទំហឹងចំពោះការប្រើប្រាស់នូវអាវុធគីមីទោះបីស្ថិតក្រោមកាលៈទេសៈបែបណាមួយក៏ដោយ។
ថ្លែងនៅកិច្ចជំនួបក្រុមប្រឹក្សាសន្តិសុខអង្គការសហប្រជាជាតិ (UNSC) អំឡុងលើកឡើងអំពីស្ថានភាពក្នុងតំបន់មជ្ឈិមបូព៌ា លោក Wu Hai-tao អ្នកតំណាងអចិន្រៃ្តយ៍រងរបស់ចិនប្រចាំនៅអង្គការសហប្រជាជាតិ (UN) បានឲ្យដឹងថាប្រទេសរបស់លោក «មានក្តីបារម្ភយ៉ាងខ្លាំងចំពោះការប្រើប្រាស់អាវុធគីមីប្រឆាំងក្រុមជនស៊ីវិលនៅក្នុងទឹកដីស៊ីរីដែលកំពុងមានជម្លោះ»។
លោកបានថ្លែងថា ឧប្បត្តិហេតុនាពេលថ្មីៗនៃបទសង្ស័យការប្រើប្រាស់សារធាតុគីមីពុលជាបញ្ហាមួយ «គួរឲ្យមានក្តីបារម្ភខ្លាំងណាស់»។
ទាក់ទិនបញ្ហានេះ ការបង្កើតឡើងនូវយន្តការស៊ើបអង្កេតថ្មីមួយដើម្បីស្រាវជ្រាវរកការពិតនិងរារាំងការប្រើប្រាស់ជាញឹកញាប់នៃអាវុធប្រភេទនេះមានសារៈសំខាន់ខ្លាំងណាស់»។
ប្រេសិតពិសេសចិនរូបនោះដដែលបានថ្លែងថា គ្រប់ភាគីទាំងអស់គួរបន្តស្នើឲ្យក្រុមប្រឹក្សាសន្តិសុខ និងអង្គការសម្រាប់ការហាមប្រាមការប្រើប្រាស់អាវុធគីមី (OPCW) គួរតែជាច្រកផ្លូវដ៏សំខាន់សម្រាប់ការដោះស្រាយបញ្ហាពាក់ព័ន្ធការប្រើប្រាស់អាវុធគីមី។
លោក Wu បានបង្ហាញក្តីសង្ឃឹមថា រដ្ឋាភិបាលស៊ីរីនឹងបន្តសហប្រតិបត្តិការជាមួយ OPCW ស្តីពីសេចក្តីសម្រេចនៃការប្រកាសជាបឋម និងដោះស្រាយដោយសមស្របនូវបញ្ហាសំខាន់ៗនានាដែលពាក់ព័ន្ធបញ្ហាខាងលើ៕