ក្រុងប៉េកាំងៈ ចិន បានកោះ-ហៅឯកអគ្គរដ្ឋទូតអាមេរិកកាលពីថ្ងៃអាទិត្យ ដើម្បីតវ៉ាជុំវិញការចាប់ខ្លួនអ្នកប្រតិបត្តិជាន់ខ្ពស់នៃក្រុមហ៊ុន Huawei នៅប្រទេសកាណាដា ខណៈអ្នកចរចាពាណិជ្ជកម្មកំពូលរបស់ក្រុងវ៉ាស៊ីនតោន បានច្រានចោលការស្នើសុំដែលថាករណីនេះអាចប៉ះពាល់ដល់កិច្ចចរចានានា ដែលមានបំណងដោះស្រាយសង្គ្រាម ពាណិជ្ជកម្មនោះ។
ការចាប់ខ្លួនប្រធានហិរញ្ញវត្ថុនៃក្រុមហ៊ុន Huawei លោកស្រី Meng Wanzhou បានធ្វើឲ្យក្រុងប៉េកាំងខឹងយ៉ាងខ្លាំង ដែលបានទាមទារឲ្យក្រុងវ៉ាស៊ីនតោនធ្វើបត្យាប័ន និងបានបង្កឲ្យមានភាពតានតឹងកើនកម្តៅនៅក្នុងអំឡុងបទឈប់បាញ់សង្គ្រាមពាណិជ្ជកម្ម រវាងចិន និងអាមេរិក។
លោកស្រី Meng បានប្រឈមមុខការចោទប្រកាន់លួចបន្លំប្រាក់ក្លែងបន្លំទាក់ទងនឹងកិច្ចព្រមព្រៀងដាក់ទណ្ឌកម្មនានាជាមួយអ៊ីរ៉ង់។
ប៉ុន្តែដោយកិច្ចចរចាទាំងនោះ កំពុងដំណើរការប្រឆាំងនឹង «ការកំណត់ពេលវេលាដ៏តឹងតែង» មួយ នៅថ្ងៃទី ១ ខែមីនា ដើម្បីដោះស្រាយជម្លោះពន្ធលើទំនិញនាំចូល រវាងប្រទេសមហាអំណាចសេដ្ឋកិច្ចពិភពលោកទាំង ២ តំណាងពាណិជ្ជកម្មអាមេរិកលោក Robert Lighthizer បានថ្លែងថា លោក មិនរំពឹងថា ការចាប់ខ្លួននោះ ធ្វើឲ្យរាំងស្ទះដល់ការចរចានោះទេ។
លោកស្រី Meng ជាកូនស្រីរបស់លោក Ren Zhengfei ស្ថាបនិករបស់ក្រុមហ៊ុន Huawei គឺស្ថិតនៅក្នុងការឃុំខ្លួន រង់ចាំការសម្រេចចិត្តរបស់តុលាការកាណាដា ដើម្បីបង់ប្រាក់ធានាក្រៅឃុំ៕