.jpg)
នាវាចម្បាំងរបស់អាមេរិក USS Preble (DDG88)។ រូបថត AFP
ក្រុងប៉េកាំងៈ ប្រទេស ចិន កាលពីថ្ងៃចន្ទ បានចាត់នាវាចម្បាំងអាមេរិកមួយគ្រឿង ដែលបើកនៅក្បែរតំបន់ប្រជុំកោះមានជម្លោះនៅសមុទ្រចិនខាងត្បូង ជាការរំលោភអធិបតេយ្យភាពរបស់ខ្លួន នៅចំពេលមានភាពតានតឹងកើនឡើងជុំវិញពាណិជ្ជកម្មរវាងប្រទេសទាំង ២។
អ្នកនាំពាក្យ PLA បានថ្លែងថា កងទ័ពរំដោះប្រជាជនចិន (PLA) បានរៀបចំកងទ័ពជើងទឹក និងទ័ពអាកាសជាច្រើន ដើម្បីព្រមាននាវា USS Preble អាមេរិកឲ្យចាកចេញពីតំបន់ជម្លោះនោះ ក្រោយពីនាវាអាមេរិក បានចូលដល់ដែនទឹកនៅក្បែរតំបន់ Scarborough Shoal ទាមទារដោយប្រទេស ចិន កាលពីព្រឹកថ្ងៃចន្ទនោះ។
លោក Li Huamin អ្នកនាំពាក្យនៃទីបញ្ជាការភាគខាងត្បូងរបស់កងទ័ពរំដោះប្រជាជនចិន បានថ្លែងថា៖ «សកម្មភាពដែលទាក់ទងខាងលើ ដែលបានកើតចេញពីភាគីអាមេរិកនោះ អាចធ្វើឲ្យគ្រោះថ្នាក់ដល់សុវត្ថិភាពទាំងកងទ័ពនាវាចិន និងអាមេរិក ហើយធ្វើឲ្យអន្តរាយដល់អធិបតេយ្យភាព និងសុវត្ថិភាពរបស់ចិនថែមទៀតផង»។
លោក Li Huamin បានបន្ថែមថា៖ «យើងធ្វើការប្រឆាំងយ៉ាងដាច់អហង្ការ»។
វិធានការនោះ បានកើតឡើង ខណៈប្រទេសទាំង ២ បានផ្តោតទៅលើផលប្រយោជន៍សេដ្ឋកិច្ចនោះ៕ AFP/SK
