ក្រុងប៉េកាំងៈ លោកប្រធានាធិបតីស៊ី ជីនភីង បានជំរុញឲ្យបង្កើនកិច្ចប្រឹងប្រែង ដើម្បីធ្វើឲ្យការប្រយុទ្ធប្រឆាំងភាពក្រីក្រទទួលបានជោគជ័យតាមការគ្រោងទុក។
លោកស៊ី ដែលជាអគ្គលេខាធិការគណៈកម្មាធិការមជ្ឈិមនៃបក្សកុម្មុយនីស្តចិន (CPC) និងជាប្រធាននៃគណៈកម្មាធិការយោធាមជ្ឈិម បានបញ្ជាក់នៅពេលផ្តល់ការណែនាំអំពីការងារកាត់បន្ថយភាពក្រីក្រថា ចិនគួរតែផ្តោតទៅលើគោលដៅនៃការកាត់បន្ថយភាពក្រីក្ររបស់ខ្លួន និងខិតខំប្រឹងធ្វើការដើម្បីទទួលបានជោគជ័យខណៈប្រទេសនេះ ប្រារព្ធទិវាជាតិកាត់បន្ថយភាពក្រីក្រលើកទី ៥ ដែលត្រូវធ្វើនៅថ្ងៃទី ១៧ ខែតុលា ជារៀងរាល់ឆ្នាំនោះ។
លោកស៊ី ជីនភីង បានថ្លែងថា ប្រទេសចិនបានធ្វើការកាត់បន្ថយភាពក្រីក្រជាបណ្តើរៗ ចាប់តាំងពីគោលការណ៍កំណែទម្រង់របស់ខ្លួន ចាប់ផ្តើមនៅក្នុងឆ្នាំ ១៩៧៨។
ការបន្តធ្វើការងារយ៉ាងលំបាករយៈពេល ៤០ ឆ្នាំ បានជួយប្រជាជនជាង ៧០០ លាននាក់នៃប្រជាជនសរុបរបស់ខ្លួនចេញផុតពីភាពក្រីក្រ និងបង្កើតទស្សនវិស័យជាច្រើននៅក្នុងប្រវត្តិសាស្ត្រនៃការកាត់បន្ថយភាពក្រីក្ររបស់ប្រជាជន។
លោកស៊ី បានថ្លែងទៀតថា ភាពក្រីក្រខ្លាំងដែលបានកើតឡើងរាប់ពាន់ឆ្នាំសម្រាប់ ប្រជាជនចិន ឥឡូវនេះ ជិតត្រូវបានដោះស្រាយចប់សព្វគ្រប់ជាប្រវត្តិសាស្ត្រហើយ ចំណែកការប្រយុទ្ធប្រឆាំងភាពក្រីក្រយ៉ាងហ្មត់ចត់របស់ប្រទេសចិនបានឈានចូលដល់ដំណាក់កាលសំខាន់បំផុតដែរ។
លោកស៊ីបានបញ្ជាក់ថា៖ «អ្វីដែលជាតម្រូវការជាចាំបាច់បំផុត គឺជំនឿជឿជាក់លើជោគជ័យ និងការតាំងចិត្តធ្វើប្រកបដោយភាពក្លាហាន។ ដរាបណាតំបន់ និងផែ្នកនានាមានការទទួលខុសត្រូវ និងខិតខំប្រឹងប្រែងធ្វើការ ក្រុមការងារនិងមហាជននៅក្នុងតំបន់ដែលរួមរឹតដោយភាពក្រីក្រ ត្រូវបន្តខិតខំប្រឹងប្រែងធ្វើការងារ ដោយផ្តោតលើគោលដៅកាត់បន្ថយភាពក្រីក្រ៕