.jpg)
បុគ្គលិកព្រលានយន្តហោះដាក់សម្ភារជំនួយចិនចេញពីយន្តហោះ។ Xinhua
ក្រុងវៀងចន្ទន៍៖ បរិក្ខារពេទ្យដែលផ្តល់ជូនដោយប្រទេស ចិន ដើម្បីជួយប្រទេស ឡាវ ក្នុងការប្រយុទ្ធប្រឆាំងការឆ្លងរាលដាលជំងឺកូវីដ ១៩ នោះ ត្រូវបានប្រគល់នៅក្នុងរដ្ឋធានីវៀងចន្ទន៍ នៃប្រទេស ឡាវ កាលពីថ្ងៃចន្ទ។
យោងតាមស្ថានទូតចិនប្រចាំនៅក្នុងប្រទេស ឡាវ បានឲ្យដឹងថា បរិក្ខារពេទ្យរួមមានឧបករណ៍សម្រាប់ធ្វើតេស្តចំនួន ២ ០១៦ ឈុត សម្លៀកបំពាក់ការពារខ្លួនចំនួន ៥ ០០០ កំប្លេ និងម៉ាស់ការពារចំនួន ៤០៥ ០០០ បន្ទះ។
ទីប្រឹក្សាសេដ្ឋកិច្ច និងពាណិជ្ជកម្មរបស់ស្ថានទូតចិន ប្រចាំនៅក្នុងប្រទេស ឡាវ គឺលោក វ៉ាង ឃ្យីហ៊ី និងអនុរដ្ឋមន្ត្រីសុខាភិបាលរបស់ប្រទេស ឡាវ លោក ប៊ុនហ្វេង ភូមិម៉ា ឡៃស៊ីដហ៍ បានចូលរួមនៅក្នុងពិធីប្រគល់សម្ភារទាំងនោះ។
យោងតាមស្ថានទូតចិនបានឲ្យដឹងថា ប្រទេស ចិន មានទំនាក់ទំនងកិច្ចសហប្រតិបត្តិការយ៉ាងសំខាន់បំផុតជាមួយប្រទេស ឡាវ ដើម្បីពង្រឹងការទប់ស្កាត់ និងគ្រប់គ្រងជំងឺកូវីដ ១៩។ ក្នុងនាមជាសហគមន៍មួយ ដោយបានចែករំលែកអនាគតរួមគ្នា ប្រទេស ចិន បានត្រៀមលក្ខណៈជាស្រេច ដើម្បីធ្វើការរួមគ្នាជាមួយឡាវក្នុងការដោះស្រាយផលវិបាកនៅក្នុងប្រទេសនេះ។
ក្រុមអ្នកជំនាញវេជ្ជសាស្ត្រចិន បានទៅដល់ក្រុងវៀងចន្ទន៍កាលពីថ្ងៃអាទិត្យ៕ Xinhua/SK
