.jpg)
រូបភាពថតពីលើអាកាស បង្ហាញពីបំណែកបាក់បែកនៃសណ្ឋាគារ ១០ ជាន់នៅក្រុងប៉ាលូ។ AFP
ក្រុងប៉ាលូៈ ចំនួនអ្នកស្លាប់បណ្តាលមកពីរញ្ជួយដីមានកម្លាំងខ្លាំង និងព្យុះស៊ូណាមិ នៅក្នុងប្រទេសឥណ្ឌូនេស៊ីបានឡើងដល់ ៨៣២ នាក់ហើយកាលពីថ្ងៃអាទិត្យខណៈមនុស្សដែលមានការភ័យស្លន់ស្លោនៅលើកោះ Sulawesi បានខិតខំប្រឹងប្រែងស្វែងរកស្បៀងអាហារ និងទឹក ដោយបណ្តាលឲ្យការលួចប្លន់មានការរាលដាល និងនិងការភ័យខ្លាច កំពុងកើនឡើង។
ម្តាយអាយុ ៣៥ ឆ្នាំ Risa Kusuma បាននិយាយថា៖ «មានអារម្មណ៍តានតឹងណាស់ ដោយបានលួងកូនរបស់គាត់នៅក្នុងមជ្ឈមណ្ឌលជម្លៀសនៅក្នុងក្រុងប៉ាលូ។ គ្រប់នាទីរថយន្តសាមុយ ដឹកសាកសពជាច្រើន។ មានការខ្វះខាតទឹកស្អាត។ ផ្សារតូចជាច្រើន ត្រូវគេលួចនៅគ្រប់ទីកន្លែង។
អនុប្រធានាធិបតីឥណ្ឌូនេស៊ីលោក Jusuf Kalla បានថ្លែងថា ចំនួនអ្នកស្លាប់កើនឡើងថែមទៀត បើផ្អែកទៅលើមហន្តរាយមុន។
ប្រព័ន្ធផ្សព្វផ្សាយរដ្ឋ បានរាយការណ៍ថា ចំនួនអ្នកស្លាប់កើនឡើងដល់ ៨៣២ នាក់ ដោយមនុស្សរាប់រយនាក់ផ្សេងទៀតរងរបួសធ្ងន់ ប៉ុន្តែតួលេខទាំងនោះ គឺសម្រាប់តែក្រុងប៉ាលូតែប៉ុណ្ណោះ ហើយទីភ្នាក់ងារផ្តល់ជំនួយ បានសម្តែងការភ័យខ្លាចថា ចំនួននោះអាចកើនឡើងនៅពេលព័ត៌មានចាប់ផ្តើមចេញពីតំបន់នានាដែលរងការប៉ះពាល់។
លោក Helen Szoke នៃអង្គការ Oxfam បាននិយាយថា៖ «ដោយមានកំហុសឆ្គងទីភ្នាក់ងារគ្រប់គ្រងគ្រោះមហន្តរាយ បាននិយាយថា ពួកគេមិនបានទទួលព័ត៌មានពីស្រុក Donggala ដែលនៅក្បែរចំណុចកណ្តាលនៃការរញ្ជួយដីនោះទេ ដោយបាននិយាយយោងទៅដល់តំបន់មួយ ដែលមានមនុស្សប្រហែល ៣០ ម៉ឺននាក់កំពុងរស់នៅ»។
ទីភ្នាក់ងារគ្រប់គ្រងគ្រោះមហន្តរាយរបស់រដ្ឋាភិបាល បាននិយាយថា មនុស្សប្រហែល ១៧០០០ នាក់ ត្រូវបានជម្លៀស និងចំនួននោះ ត្រូវរំពឹងទុកថានឹងកើនឡើងថែមទៀត។
លោក Jan Gelfant មន្ត្រីកាកបាទក្រហម បានថ្លែងថា៖ «នេះ គឺជាមហន្តរាយគួរឲ្យភ័យខ្លាចទ្វេដង»៕
