ក្រុងគុរ៉ាស៊ីគីៈ នៅថ្ងៃអង្គារនេះ ក្រុមអ្នកធ្វើការងារជួយសង្រ្គោះ បានធ្វើការរុករកពីផ្ទះមួយទៅផ្ទះមួយ ដោយមានក្តីសង្ឃឹមតិចតួចក្នុងការស្វែងរកក្រុមអ្នកនៅរស់ក្រោយពីទឹកជំនន់ និងបាក់ដី ដែលបានបណ្តាលឲ្យមនុស្ស ១៤១ នាក់ ស្លាប់ ជាមហន្តរាយមួយក្នុងចំណោមមហន្តរាយជាច្រើនទាក់ទង និងអាកាសធាតុអាក្រក់បំផុត សម្រាប់ប៉ុន្មានទសវត្សរ៍នេះ។
កំណត់ត្រាភ្លៀងធ្លាក់ខ្លាំង ដែលបានចាប់ផ្តើមកាលពីសប្តាហ៍មុន បានរាំងទៅវិញ និងទឹកជំនន់ស្រក់ បានបង្ហាញពីការបំផ្លាញ ដែលបានផ្តាច់តំបន់មួយ រហូតដល់ភាគខាងលិចនៃប្រទេសនេះ។
នៅក្នុងក្រុងគុរ៉ាស៊ីគីទឹកជំនន់ បានធ្វើឲ្យលិចលង់សង្កាត់ជាច្រើន ដោយបានបង្ខំមនុស្សខ្លះឡើងលើដំបូលផ្ទះរបស់ពួកគេ ដើម្បីរងចាំការជម្លៀស។
នៅព្រឹកថ្ងៃអង្គារនេះ ក្រុមអ្នកជួយសង្រ្គោះ បានដើរពីផ្ទះមួយទៅផ្ទះ ដើម្បីស្វែងរកអ្នកនៅរស់ ឬ ជនរងគ្រោះដោយសារមហន្តរាយទឹកជំនន់នោះ៕ PSA