.jpg)
ប្រជាជនដើរនៅតាមផ្លូវមួយនៅក្នុងសង្កាត់ផ្សារលក់ទំនិញនៅក្រុងតូក្យូ។ CHINA DAILY
ក្រុងប៉េកាំងៈ ទិន្នន័យដែលបានមកពីទីភ្នាក់ងារអន្តោប្រវេសន៍បង្ហាញថា ជនបរទេសជាច្រើននាក់ដែលរស់នៅក្នុងប្រទេសជប៉ុនត្រូវបានដកឋានៈស្នាក់នៅរបស់ពួកគេនៅក្នុងឆ្នាំ ២០១៨ ទោះបីជាប្រទេសនេះកំពុងបើកចំហឲ្យពលករបរទេសចូលទៅធ្វើការក្តី។
ទីភ្នាក់ងារអន្តោប្រវេសន៍បាននិយាយកាលពីថ្ងៃពុធថាខ្លួនបានដកទិដ្ឋាការពីមនុស្ស ៨៣២ នាក់កាលពីឆ្នាំទៅជាតួលេខកើនឡើង ២ ដង។ ជិត ៧០ ភាគរយក្នុងចំណោមពួកគេគឺជានិស្សិត និងសិក្ខាកាមបច្ចេកទេសដែលបានខកខានមិនបំពេញតម្រូវការទិដ្ឋាការ។
តាមរយៈសញ្ជាតិរបស់ពួកគេចំនួនពាក់កណ្តាលនៃអ្នកដែលបានបាត់បង់ឋានៈស្នាក់នៅគឺជាជនជាតិវៀតណាម។ អ្នកបាត់បង់ឋានៈស្នាក់នៅមានចិន ១៥២ នាក់ នេប៉ាល់ ៦២ នាក់ និងហ្វីលីពីន ៤៣ នាក់។
អ្នកដែលបានបាត់បង់ឋានៈជានិស្សិតរបស់ពួកគេមានចំនួន ៤១២ នាក់កើនឡើងពី ១៧២ នាក់នៅក្នុងឆ្នាំ ២០១៧។ ទន្ទឹមគ្នានោះពលករបរទេស ១៥៣ នាក់មានឋានៈជាសិក្ខាកាមដែលត្រូវបានដកនោះកើនឡើង ៨ នាក់កាលពីឆ្នាំទៅ។
ចំនួននៃការដកឋានៈស្នាក់នៅខ្ពស់បំផុតនៅក្នុងឆ្នាំ ២០០៥ នៅពេលការកត់ត្រាបានចាប់ផ្តើម។ យោងតាមក្រសួងយុត្តិធម៌ជប៉ុនបានឲ្យដឹងថាអ្នកប៉ះពាល់ខ្លាំងជាងគេបំផុតគឺជាប្រជាជនដែលកាន់ទិដ្ឋាការនិស្សិតដែលបានបោះបង់ការសិក្សាចោលដើម្បីបន្តធ្វើការនៅក្នុងប្រទេសជប៉ុន និងសិក្ខាកាមបចេ្ចកទេសដែលបានបោះបង់ការងារដែលគេផ្តល់ឲ្យ ហើយទៅធ្វើការងារកន្លែងផ្សេង។
ក្រសួងនោះបាននិយាយថាទន្ទឹមគ្នានេះដែរមាន ៨០ ករណីនៅក្នុងនោះប្តីប្រពន្ធ ឬកូនរបស់ជនជាតិ ជប៉ុនត្រូវដកទិដ្ឋាការសមាជិកគ្រួសាររបស់ពួកគេ៕ CHINA DAILY/PSA
