ក្រុងយ៉ាំងហ្គោនៈ មេធាវីមួយរូប បានថ្លែងកាលពីថ្ងៃសៅរ៍ថា នៅចុងខែនេះ តុលាការមីយ៉ាន់ម៉ា នឹងរៀបចំសវនាការការប្តឹងឧទ្ធរណ៍របស់អ្នកកាសែត Reuters ២ នាក់ ដែលជាប់ពន្ធនាគារពីបទរាយការណ៍ពីវិបត្តិជនរ៉ូហ៊ីងយ៉ា។
លោក Wa Lone មានវ័យ ៣២ ឆ្នាំ លោក Kyaw Soe Oo មានវ័យ ២៨ ឆ្នាំ ត្រូវបានគេរកឃើញថា មានទោសនៅក្រោមច្បាប់សម្ងាត់របស់រដ្ឋមួយកាលពីខែកញ្ញាកន្លងទៅ ក្រោយពីធ្វើអត្ថាធិប្បាយអំពីការសម្លាប់បុរសជនរ៉ូហ៊ីងយ៉ា ១០ នាក់ ក្រៅប្រព័ន្ធតុលាការ ក្នុងអំឡុងពេលការបង្ក្រាបរបស់យោធាយ៉ាងឃោរឃៅ នៅរដ្ឋរ៉ាក់ឃីនភាគខាងលិចនៃប្រទេស មីយ៉ាន់ម៉ា កាលពីឆ្នាំ ២០១៧។
អ្នកកាសែតទាំង ២ នាក់ ដែលត្រូវបានចាប់ឃុំខ្លួននៅក្នុងពន្ធនាគារជិតមួយឆ្នាំ ចាប់តាំងពីពួកគេ ត្រូវបានចាប់ខ្លួនកាលពីខែ ធ្នូ ឆ្នាំ ២០១៧ ត្រូវបានកាត់ទោសឲ្យជាប់ពន្ធនាគារ ៧ ឆ្នាំ ជាសាលក្រមមួយដែលធ្វើឲ្យមានការថ្កោលទោសនៅទូទាំងពិភពលោកនៅក្នុងនោះមានអនុប្រធានាធិបតី លោក ម៉ៃក៍ ផែនស៍ ផងដែរ។
លោកមេធាវី Than Zaw Aung បានប្រាប់អ្នកសារព័ត៌មាន AFP ថា កាលបរិច្ឆេទសម្រាប់ការចេញសាលក្រម ត្រូវបានគ្រោងធ្វើឡើងនៅថ្ងៃទី ២៤ ខែ ធ្នូ នៅតុលាការក្រុងយ៉ាំងហ្គោន៕ SK