.jpg)
ក្រាហ្វិកនៃការស្លាប់របស់លោក Jamal Khashoggi នៅក្នុងស្ថានកុងស៊ុលអារ៉ាប៊ី សាអ៊ូឌីតនៅក្រុងអុីស្តង់ប៊ុល។ AFP
ក្រុងអ៊ីស្តង់ប៊ុលៈ ប្រធានាធិបតីតួកគីលោករ៉េសិប តៃយីប អេរដូហ្គែន កាលពីថ្ងៃអាទិត្យ បានប្តេជ្ញាធ្វើការលាតត្រដាងការពិតនៃការស្លាប់របស់អ្នកកាសែតឈ្មោះ Jamal Khashoggi ក្នុងរយៈពេលប៉ុន្មានថ្ងៃនេះ ខណៈក្រុងរីយ៉ាដ បាននិយាយថា ខ្លួនមិនបានដឹងពីកន្លែងលាក់សាកសពរបស់លោកទេ ហើយព្រះអង្គម្ចាស់ Mohammed bin Salman មិនបានដឹងអំពីកិច្ចប្រតិបត្តិការណាមួយក្នុងការសម្លាប់អ្នកកាសែតនោះទេ។
សេចក្តីថ្លែងការណ៍របស់ មេដឹកនាំតួកគី បានកើតឡើងនៅថ្ងៃនោះ ក្រោយពីក្រុមអាជ្ញាធរ អារ៉ាប៊ី សាអ៊ូឌីត បានសារភាពថា លោក Kha-shoggi ត្រូវគេសម្លាប់នៅក្នុងស្ថានកុងស៊ុលរបស់ពួកគេ នៅក្នុងក្រុងអ៊ីស្តង់ប៊ុល។
លោកអេរដូហ្គែន បានថ្លែងប្រាប់ការជួបជុំមួយនៅក្នុងក្រុងអ៊ីស្តង់ប៊ុលថា៖ «យើងកំពុងស្វែងរកយុត្តិធម៌នៅទីនេះហើយត្រូវលាតត្រដាងការពិតនៃអំពើឃាតកម្មនេះ មិនមែន តាមរយៈវិធានការធម្មតា និងបង្ហាញការពិតទាំងស្រុង។
ការអធិប្បាយដ៏វែងរបស់លោកស្តីអំពីការងារនោះលោកប្រធានាធិបតីដូណាល់ ត្រាំ បានចោទ អារ៉ាប៊ី សាអ៊ូឌីត ពីបទភូកកុហកចំពោះការសម្លាប់លោក Khashoggi ជាអ្នកកាសែតសរសេរអត្ថបទអត្ថាធិប្បាយនយោបាយ ដែលបានរិះគន់ព្រះរាជាណាចក្រ អភិរក្សនិយមជ្រុល ខណៈសម្ពាធ បានកើតឡើងចំពោះរដ្ឋការអាមេរិក។
នៅក្នុងបទសម្ភាសមួយជាមួយសារព័ត៌មាន Fox News លោក Jubeir បានបញ្ជាក់ថា កិច្ចប្រតិបត្តិការនោះមិនត្រូវបានបញ្ជាដោយព្រះអង្គម្ចាស់ Salman ទេ ដោយបានបន្ថែមថា យើងមិនដឹងសាកសពនោះ នៅទីកន្លែងណានោះទេ។
លោកអេរដូហ្គែន (ស្តាំ) និងនាយករដ្ឋមន្ត្រីរូម៉ានី Viorica Dancila ធ្វើសន្និសីទកាសែត។ AFP
លោកអេរដូហ្គែន ដែលមិនទាន់ស្តីបន្ទោសអារ៉ាប៊ី សាអ៊ូឌីតដោយផ្ទាល់នោះ បានសន្ទនាតាមទូរស័ព្ទជាមួយលោកត្រាំកាលពីថ្ងៃអាទិត្យអំពីទីកន្លែងមេដឹកនាំទាំង ២ ព្រមព្រៀងថា សំណុំរឿងរបស់លោក Khashoggi ចាំបាច់ត្រូវបញ្ជាក់ឲ្យបានគ្រប់ជ្រុងជ្រោយ និងច្បាស់លាស់។
លោកអេរដូហ្គែនត្រូវបានរំពឹងទុកថា នឹងធ្វើការថ្លែងការណ៍ទៅកាន់សមាជិកសភារបស់លោកនៅម៉ោងប្រហែល ៨ ព្រឹក ថ្ងៃអង្គារនេះ។
ក្រុមមន្ត្រីតួកគី បាននិយាយថា ពួកគេជឿថា បុរសអារ៉ាប៊ី សាអ៊ូឌីត ១៥ នាក់ ដែលមកដល់ក្រុងអ៊ីស្តង់ប៊ុលដោយជើងយន្តហោះ ២ កាលពីថ្ងៃ ទី ២ ខែតុលា ជាប់ពាក់ព័ន្ធនឹងការសម្លាប់របស់លោក Kha shoggi។
ក្រុងរីយ៉ាដ បានប្រតិកម្មដោយបានអះអាងថា ម្នាក់នៅក្នុងចំណោមបុរស ១៥ នាក់ បានស្លាប់ដោយគ្រោះថ្នាក់ចរាចរណ៍ជាច្រើនឆ្នាំទៅហើយ។
ពីដំបូង ក្រុមមន្ត្រីអារ៉ាប៊ីសាអ៊ូឌីត បានថ្លែងថា លោក Khashoggi ដែលបានដើរចូលក្នុងស្ថានកុងស៊ុលកាលពីថ្ងៃទី ២ ខែតុលា បានចាកចេញដោយគ្មានរបួសស្នាមឡើយ មុនប្រកាសថា លោកត្រូវគេសម្លាប់នៅក្នុងស្ថានកុងស៊ុលនោះ៕
