.jpg)
លោកអេរដូហ្គែន ថ្លែងក្នុងអំឡុងជំនួបនៅសភានៅក្រុងអង់ការ៉ា។ AFP
ក្រុមអ៊ីស្តង់ប៊ុល៖ ទីភ្នាក់ងារសារព័ត៌មាន Anadolu គ្រប់គ្រងដោយរដ្ឋបានរាយការណ៍កាលពីថ្ងៃចន្ទថា លោកប្រធានាធិបតីតួកគី រ៉េសិប តៃយីបអេរដូហ្គែន បានថ្លែងថា តួកគីនឹងមិនអនុញ្ញាតឲ្យអ្វីដែលហៅថា «កិច្ចព្រមព្រៀងសតវត្សរ៍» របស់អាមេរិកគំរាមកំហែងដល់សន្តិភាពនៅក្នុងតំបន់ទេ។
លោកប្រធានាធិបតី អេរដូហ្គែន បានធ្វើការអធិប្បាយនៅក្នុងសារមួយ ដែលលោកបានផ្ញើជូនសន្និសីទលើកទី ៣ នៃវេទិកាអន្តរសភារបស់ក្រុងហ្ស៊េរុយសាឡិម នៅក្នុងក្រុងគូឡាឡាំពួររដ្ឋធានីនៃប្រទេស ម៉ាឡេស៊ី។
មេដឹកនាំតួកគីរូបនេះ បានថ្លែងថា កិច្ចព្រមព្រៀងដែលបានប្រកាសក្រុងហ្ស៊េរុយសាឡិមជារដ្ឋធានីនៃប្រទេស អ៊ីស្រាអែល មិនមានអ្វីលើសពីក្តីសុបិនមួយ ដែលគំរាមកំហែងដល់សន្តិភាពនៅក្នុងតំបន់ទេ ហើយប្រទេស តួកគី នឹងមិនអនុញ្ញាតឲ្យក្តីសុបិននេះក្លាយជាការពិតទេ។
លោក អេរដូហ្គែន ត្រូវបានដកស្រង់សម្តីដោយសារព័ត៌មាន Anadolu ដោយថ្លែងថា៖ «យើងមិនទទួលស្គាល់ផែនការដែលមានន័យថា ការដាក់ដែនដីប៉ាឡេស្ទីនជាឧបសម្ព័ន្ធបំផ្លាញប៉ាឡេស្ទីន និងរឹបអូសយកក្រុងហ្ស៊េរុយសាឡិមទំាងស្រុង។ «យើងមិនទទួលយកកិច្ចប្រឹងប្រែង ដែលទទួលយកដំណោះស្រាយរដ្ឋ ២ ជាចំហនោះទេ ប៉ុន្តែមានន័យថា ការធ្វើឲ្យកាន់កាប់របស់អ៊ីស្រាអែលស្របច្បាប់ស្ថិតនៅក្រុមអាណត្តិនៃរដ្ឋការអាមេរិក»។
មុននេះ ក្រុងអង់ការ៉ាបានប្រកាសផែនការសន្តិភាពដែលត្រូវបានប្រកាសដោយលោកប្រធានាធិបតីអាមេរិក ដូណាល់ ត្រាំ កាលពីចុងខែមករាកន្លងទៅ ដើម្បីបញ្ចប់ជម្លោះរវាងអ៊ីស្រាអែល និងប៉ាឡេស្ទីនថា «គ្មានប្រសិទ្ធភាព» ទេ៕ Xinhua/PSA
