.jpg)
លោកស្រីសៃ អុីងវិន (កណ្តាល) លើកដៃចេញពីនាវាចម្បាំង។ AFP
ក្រុងកៅស៊ុងៈ ប្រធានាធិបតីតៃវ៉ាន់ លោកស្រីសៃ អ៊ីងវិន កាលពីថ្ងៃព្រហស្បតិ៍ បានប្តេជ្ញាថា កោះនេះនឹងមិនបោះបង់ចោលកិច្ចការការពារខ្លួនទេ ខណៈលោកស្រី បានបើកសម្ពោធនាវាចម្បាំង ២ គ្រឿងដែលទិញពីអាមេរិក មានគោលបំណងបង្កើនសមត្ថភាពកងទ័ពជើងទឹកប្រឆាំងចិន។
ចិន ដែលជាសត្រូវនោះបានធ្វើសមយុទ្ធយោធាជាច្រើននៅក្នុងនោះមានសមយុទ្ធបាញ់គ្រាប់ពិតនៅក្នុងដែនទឹកតៃវា់ន់កាលពីខែមេសា កន្លងទៅ។
ក្រុងប៉េកាំង អះអាងថា កោះតៃវ៉ាន់ស្វយ័តនោះជាផ្នែកនៃដែនដីរបស់ខ្លួន ដែលរង់ចាំការបង្រួបបង្រួមគ្នាដោយប្រើកងកម្លាំង បើសិនជាចាំបាច់ ថ្វីបើភាគីទាំង ២ បានគ្រប់គ្រងដាច់ដោយឡែក ចាប់តាំងពីឆ្នាំ ១៩៤៩ ក្រោយសង្គ្រាមស៊ីវិលត្រូវបានបញ្ចប់ក្តី។
ចិនបានខឹងច្រឡោត ដោយសារចំណងទាក់ទងយ៉ាងកក់ក្តៅរវាងក្រុងវ៉ាស៊ីនតោននិងក្រុងតៃប៊ិ ដែលក្នុងនោះមានការអនុម័តផ្តល់អាជ្ញាប័ណ្ណលើកដំបូងពីក្រសួងការបរទេសអាមេរិក ឲ្យលក់បច្ចេកវិទ្យានាវាមុជទឹកទៅឲ្យកោះមួយនេះផងដែរ។
លោកស្រីប្រធានាធិបតី បានថ្លែងក្រោយពេលពិនិត្យមើលនាវាទាំងនោះថា៖ «យើងចង់ផ្ញើសារមួយយ៉ាងម៉ឺងម៉ាត់ និងច្បាស់លាស់ពីប្រជាជនតៃវ៉ាន់ទៅកាន់សហគមន៍អន្តរជាតិថា យើងនឹងមិនដកថយពីការការពារខ្លួនទេតៃវ៉ាន់ត្រូវតែការពារដំណើរជីវិតរបស់យើងដែលមានសេរីភាពតាមបែបប្រជាធិបតេយ្យ»៕
