.jpg)
ប្រធានាធិបតីអាមេរិកលោកដូណាល់ ត្រាំ ថ្លែងសុន្ទរកថានៅមហាសន្និបាតប្រចាំឆ្នាំលើកទី ៧២ របស់អង្គការសហប្រជាជាតិនៅក្រុងញូវយ៉ក។ AFP
សហរដ្ឋអាមេរិកៈ វាមានរយៈពេល ១ ឆ្នាំហើយចាប់តាំងពីការចាប់ផ្ដើមនៃកិច្ចការទូតរបស់លោកនៅលើឆាកអន្តរជាតិធំជាងគេបង្អស់របស់ពិភពលោក លោកដូណាល់ ត្រាំ បានត្រឡប់ទៅចូលរួមមហាសន្និបាតអង្គការសហប្រជាជាតិ កាលពីថ្ងៃចន្ទ ដើម្បីប្រកាសអំពីការប្រែប្រួលនៃចំណងមិត្តភាពជាមួយនឹងសត្រូវលេខ ១ របស់ខ្លួនកាលពីឆ្នាំទៅគឺមេដឹកនាំកូរ៉េខាងជើង លោកគីម ជុងអ៊ុន។
ប៉ុន្តែខណៈដែលទំនាក់ទំនងជាមួយនឹងកូរ៉េខាងជើងបានប្រសើរឡើងយ៉ាងឆាប់រហ័ស នេះ ថ្នាក់ដឹកនាំដែលបានចូលរួមមហាសន្និបាតប្រចាំឆ្នាំនៅ ទីស្នាក់ការ អ.ស.ប ក្នុងក្រុងញូវយ៉ក នឹងបានស្ដាប់ឮនូវពាក្យសម្តីសត្រូវរបស់លោកត្រាំ ១ ទៀត គឺលោក ហាស្សាន រូហានី ដែលកាយវិការ និងពាក្យសម្ដីរបស់លោកនៅតែមិនអាចទទួលយកបានសម្រាប់ប្រធានាធិបតី US។
បន្ទាប់ពីមកដល់ស្រុកកំណើតរបស់លោកកាលពីថ្ងៃអាទិត្យ លោកត្រាំ មានកាលវិភាគដ៏មមាញឹកមួយនៅក្នុងអំឡុងពេល ២-៣ ថ្ងៃ បន្ទាប់ពីអ្វីដែលនឹងចាប់ផ្ដើម ដោយការថ្លែងសុន្ទរកថាលើប្រធានបទការជួញដូរគ្រឿងញៀនក្នុងពិភពលោកនៅថ្ងៃចន្ទ។
បន្ថែមពីលើការថ្លែងសុន្ទរកថានៅឯមហាសន្និបាត អ.ស.ប នៅថ្ងៃអង្គារ លោកត្រាំ មានជំនួបទ្វេភាគីជាច្រើនទៀត ជាមួយនឹងប្រទេសជាសម្ព័ន្ធមិត្ត ដូចជាប្រធានាធិបតីបារាំង អេម៉ានុយ អែល ម៉ាក្រុង លោកស្រីនាយករដ្ឋមន្ត្រីអង់គ្លេស ថេរ៉េសា ម៉េ និងលោកនាយករដ្ឋមន្ត្រីជប៉ុន ស៊ីនហ្សូ អាបេ ដែលលោកបានជួបកាលពីថ្ងៃអាទិត្យ។
ប៉ុន្តែជំនួបដែលគេចាំមើលទាំងអស់គ្នានោះ គឺជំនួបរវាងលោកដូណាល់ ត្រាំ ជាមួយប្រធានាធិបតីកូរ៉េខាងត្បូងលោកមូន ជេអ៊ីន ដែលនឹងត្រូវរាយការណ៍ប្រាប់លោកអំពីលទ្ធផលនៃជំនួបអន្តរកូរ៉េជាមួយគីម ជុងអ៊ុន៕
