.jpg)
លោក ត្រាំ នៅតែចង់ជួបលោក រូហានី ទោះជា US ចោទអុីរ៉ង់នៅពីក្រោយការវាយទៅលើអារ៉ាប៊ីសាអ៊ូឌីតក្តី។ AFP
ក្រុងវ៉ាស៊ីនតោន៖ ប្រធានាធិបតី លោក ដូណាល់ ត្រាំ បានថ្លែងកាលពីថ្ងៃអាទិត្យថា អាមេរិកបាន «បិទការចរចា និងត្រៀមលក្ខណៈរួចជាស្រេច» ដើម្បីឆ្លើយតបទៅនឹងការវាយប្រហារទៅលើហេដ្ឋារចនាសម្ព័ន្ធទីតាំងផលិតប្រេងរបស់អារ៉ាប៊ីសាអ៊ូឌីត ដែលក្រុងវ៉ាស៊ីនតោន បានស្តីបន្ទោសទៅលើអ៊ីរ៉ង់ ខណៈក្រុងរីយ៉ាដបានប្រកួតប្រជែងចាប់ផ្តើមប្រតិបត្តិការឡើងវិញ នៅឯរោងចក្រផលិតប្រេងដែលរងការវាយប្រហារដោយយន្តហោះដ្រូនទាំងនោះ។
វាជាលើកដំបូងហើយដែលប្រធានាធិបតីអាមេរិក លោក ដូណាល់ ត្រាំ បានព្រលយពាក្យក្នុងការឆ្លើយតបដោយប្រើប្រាស់យោធាសហរដ្ឋអាមេរិកដ៏មានសក្តានុពលចំពោះការវាយប្រហារនោះដែលបានកាត់បន្ថយការផលិតប្រេងអារ៉ាប៊ីសាអ៊ូឌីតចំនួនពាក់កណ្តាល និងធ្វើឲ្យរាជាណាចក្រមួយនេះ និងអាមេរិក បានប្រកាសថា ពួកគេអាចនឹងប្រើយុទ្ធសាស្ត្របម្រុងរបស់ពួកគេដើម្បីឆ្លើយតបវិញ។
លោក ត្រាំ បានថ្លែងនៅលើគេហទំព័រធ្វីធើរថា៖ «ការផ្គត់ផ្គង់ប្រេងរបស់អារ៉ាប៊ីសាអ៊ូឌីត បានរងការវាយប្រហារដោយយន្តហោះដ្រូន។
មានហេតុផលត្រូវជឿថា យើងបានដឹងអំពីពិរុទ្ធជននោះ ហើយយើងត្រូវបិទការចរចា និងត្រៀមលក្ខណៈរួចជាស្រេច ដោយពឹងផ្អែកទៅលើការផ្ទៀងផ្ទាត់យ៉ាងល្អិតល្អន់ផងដែរ ប៉ុន្តែកំពុងរង់ចាំទទួលដំណឹងពីរាជាណាចក្រអារ៉ាប៊ីសាអ៊ូឌីតថា នរណាដែលពួកគេជឿថា ជាអ្នកបង្កហេតុចំពោះការវាយប្រហារនេះ ហើយស្ថិតនៅក្រោមលក្ខខណ្ឌអ្វីដែលយើងនឹងត្រូវចាត់នីតិវិធីនោះ»។
រោងចក្រប្រេងអារ៉ាមកូនៅក្បែរតំបន់ al-Khurj ភាគខាងត្បូងក្រុងរីយ៉ាដ។ AFP
ក្រុមឧទ្ទាមហ៊ូធីគាំទ្រដោយ ក្រុងតេអេរ៉ង់នៅយេម៉ែន ជាទីដែលក្រុមចម្រុះដឹកនាំដោយអារ៉ាប៊ីសាអ៊ូឌីត បានចូលមកអន្តរាគមន៍នៅក្នុងសង្គ្រាមមួយអស់រយៈពេល ៥ ឆ្នាំ បានអះអាងការវាយប្រហារកាលពីថ្ងៃសៅរ៍ ទៅលើរោងចក្រផលិតប្រេង ២ កន្លែង ដែលជារបស់រោងចក្រថាមពលអារ៉ាមកូខ្នាតយក្សរបស់រដ្ឋ។
ប៉ុន្តែរដ្ឋមន្ត្រីការបរទេសអាមេរិកលោក ម៉ៃក៍ ប៉ុមប៉េអូ បានចង្អុលដៃជារាងការ៉េទៅទីក្រុងតេអេរ៉ង់ ដោយបាននិយាយថា គ្មានភ័ស្តុតាង «វាយប្រហារដែលមិនធ្លាប់មានពីមុនទៅលើទីផ្សារផ្គត់ផ្គង់ថាមពលរបស់ពិភពលោក» ត្រូវបានវាយប្រហារចេញពីប្រទេស យេម៉ែន នោះទេ។
អ្នកការទូតអាមេរិកកំពូលបានថ្លែងថា៖ «អាមេរិកនឹងធ្វើការជាមួយក្រុមដៃគូ និងសម្ព័ន្ធមិត្តរបស់យើង ដើម្បីធានាថាទីផ្សារប្រេងនៅតែអាចផ្គត់ផ្គង់បានយ៉ាងល្អ អ៊ីរ៉ង់ត្រូវតែទទួលខុសត្រូវចំពោះការឈ្លានពានរបស់ខ្លួន»៕ AFP/SK
