ក្រុងខារទុំៈ ទីភ្នាក់ងារសារព័ត៌មានរដ្ឋ បានរាយការណ៍ថា ភ្លៀងធ្លាក់ឥតឈប់ឈរនៅប្រទេសស៊ូដង់ បានបង្កឲ្យមានទឹកជំនន់យ៉ាងខ្លាំង ដែលបានបណ្តាលឲ្យមនុស្សយ៉ាងតិច ៧ នាក់ស្លាប់ នៅភាគខាងត្បូងរបស់ប្រទេសមួយនេះ កាលពីថ្ងៃអង្គារ។
ទីភ្នាក់ងារ SUNA បានថ្លែងថា៖«ពលរដ្ឋ ៧ នាក់បានស្លាប់ និង ២ នាក់រងរបួស និងភូមិ ១០ ផ្សេងទៀត បានរងផលប៉ះពាល់ ដោយសារភ្លៀងធ្លាក់ និងទឹកជំនន់នៅក្នុងរដ្ឋចាហ្ស៊ីរ៉ា»។
ភ្លៀងធ្លាក់យ៉ាងខ្លាំង ដែលបានវាយប្រហារនៅផ្នែកខ្លះនៃប្រទេសស៊ូដង់អស់រយៈពេលជាច្រើនថ្ងៃ បានបំផ្លាញផ្ទះសំបែងអស់រាប់រយខ្នងនៅក្នុងទីក្រុងខារទុំ។
មនុស្សយ៉ាងតិច ៦ នាក់ផ្សេងទៀតបានស្លាប់ កាលពីសប្តាហ៍មុននៅរដ្ឋចាហ្ស៊ីរ៉ា និងនៅតំបន់ដារហ្វ័រភាគខាងលិច ជាទីដែលមនុស្សរាប់ពាន់នាក់បានរងផលប៉ះពាល់ដោយសារទឹកជំនន់៕ SK