.jpg)
បុរសម្នាក់ ឈរនៅក្បែរតំបន់លំនៅឋាន ដែលទឹកលិចនៅក្នុងខេត្តអូកាយ៉ាម៉ា។ AFP
ក្រុងមីហារ៉ាៈ នៅថ្ងៃអាទិត្យនេះ នាយករដ្ឋមន្រ្តីជប៉ុនលោកស៊ីនហ្សូ៊ អាបេ បានជំរុញឲ្យមានកិច្ចប្រឹងប្រែងជួយសង្គ្រោះក្រុមជនរងគ្រោះដោយសារទឹកជំនន់ ខណៈក្រុមអាជ្ញាធរ បានចេញព័ត៌មានថ្មីជុំវិញជំនន់ទឹកភ្លៀង ដែលបានបណ្តាលឲ្យមនុស្សយ៉ាងតិច៤៨នាក់ ស្លាប់។
ភ្លៀងធ្លាក់ខ្លាំង បានបណ្តាលឲ្យទឹកជំនន់ហូរលឿន និងបាក់ដីនៅទូទាំងផ្នែកកណ្តាល និងភាគខាងលិចនៃប្រទេសនេះ ដោយបានជំរុញឲ្យមានបញ្ជាជម្លៀសមនុស្សជាងពីរលាននាក់។
លោកអាបេ បានថ្លែង ខណៈលោក ជួបជាមួយក្រុមដោះស្រាយវិបត្តិរបស់រដ្ឋាភិបាល ដែលត្រូវបានបង្កើតឡើង ដើម្បីឆ្លើយតបចំពោះគ្រោះមហន្តរាយនោះថា៖«កិច្ចប្រឹងប្រែងជួយសង្គ្រោះអាយុជីវិត និងការជម្លៀសមនុស្សនេះ គឺជាការជួយសង្គ្រោះឲ្យបានជោគជ័យក្នុងរយៈពេលខ្លីបំផុត»។
លោក បានបន្ថែមថា៖«មានមនុស្សជាច្រើន ដែលសុវត្ថិភាពរបស់ពួកគេ មិនទាន់ត្រូវបានបញ្ជាក់នៅឡើយទេ»៕ PSA
