.jpg)
លោក ប្រាយុធ ចាន-អូចា ទៅត្រួតពិនិត្យមើលនៅទីបញ្ជាការប៉ូលិសនៅក្រុងបាងកក។ AFP
ក្រុងបាងកកៈ អ្នកនាំពាក្យរដ្ឋាភិបាលថៃលោកស្រី ណារ៉ូមូន ភីនយូស៊ីវ៉ាត បានថ្លែងកាលពីថ្ងៃអាទិត្យថា លោកនាយករដ្ឋមន្ត្រី ប្រាយុធ ចាន-អូចា បានត្រួតពិនិត្យមើលស្ថានការណ៍ទឹកជំនន់យ៉ាងយកចិត្តទុកដាក់ ដែលបានបង្កឡើងដោយខ្សល់ព្យុះប៉ូឌុល (Podul) ហើយបានចេញបញ្ជាឲ្យផ្តល់ជំនួយជាបន្ទាន់ទៅឲ្យប្រជាជន នៅក្នុងខេត្តទាំង ១៦ ដែលរងផលប៉ះពាល់នោះ។
នៅក្នុងសេចក្តីថ្លែងការណ៍សារព័ត៌មានមួយ អ្នកនាំពាក្យរូបនោះ បានថ្លែងថា ស្ថានការណ៍ទឹកជំនន់ បានធូរស្រាល ដោយកម្រិតទឹកជំនន់បានស្រកចុះទៅវិញ ហើយវាដល់ពេលត្រូវវាយតម្លៃ និងជួសជុលផ្ទះសំបែង និងដីកសិកម្ម ដែលបានរងការខូចខាតនោះ។
លោកស្រីបានថ្លែងថា នាយករដ្ឋមន្ត្រីបានចេញបញ្ជាឲ្យក្រុមភ្នាក់ងារពាក់ព័ន្ធទាំងអស់ ត្រូវធ្វើការជាមួយគ្នាដោយយកចិត្តទុកដាក់ ដើម្បីផ្តល់ជំនួយជាបន្ទាន់ទៅឲ្យប្រជាជន និងបន្ធូរបន្ថយស្ថានភាពរបស់ពួកគេនៅទូទាំងតំបន់ដែលរងផលប៉ះពាល់។
អ្នកនាំពាក្យរូបនោះ បានលើកឡើងថា លោកនាយករដ្ឋមន្ត្រី បានចេញបញ្ជាឲ្យក្រុមភ្នាក់ងារពាក់ព័ន្ធទាំងអស់ ត្រូវបន្តឃ្លាំមើលស្ថានការណ៍ទាំងនោះ និងជំរុញឲ្យប្រជាជនដែលរងផលប៉ះពាល់ ត្រូវទាក់ទងមកកាន់លេខទូរស័ព្ទបន្ទាន់ដើម្បីសុំជំនួយ។
ព្យុះប៉ូឌុល (Podul) រដូវភ្លៀងដែលបានបក់បោកយ៉ាងខ្លាំងនៅទូទាំងប្រទេស ថៃ ភាគខាងជើង ឦសាន និងខាងកើត ចាប់តាំងពីថ្ងៃព្រហស្បតិ៍ ដែលបានបង្កឲ្យមានទឹកជំនន់ជន់លិច និងបាក់ដី៕ Xinhua/SK
