ក្រុងប៉េកាំង៖ រយៈពេល ៣ ខែក្រោយពីទំនាក់ទំនងចិន-រុស្ស៊ី បានល្អប្រសើរឡើងក្នុងកម្រិតខ្ពស់ នាយករដ្ឋមន្ត្រីចិន លោក លី កេឈាង បានធ្វើដំណើរម្តងទៀតទៅកាន់ប្រទេសក្បែរខាង សម្រាប់ដំណើរទស្សនកិច្ចផ្លូវការមួយជាវិធានការយ៉ាងមានសារៈសំខាន់សម្រាប់ប្រទេសទាំង ២ ដើម្បីបង្កើនទំនុកចិត្តឲ្យគ្នាទៅវិញទៅមកបន្ថែមទៀត និងកសាងភាពជាដៃគូឲ្យកាន់តែខ្លាំងជាងមុនទៅលើបញ្ហាផ្សេងៗទៀតដែលនៅចំពោះមុខ។
នៅអំឡុងពេលការស្នាក់នៅរបស់លោក ចាប់ពីថ្ងៃចន្ទដល់ថ្ងៃពុធនៅក្នុងប្រទេស រុស្ស៊ី នាយករដ្ឋមន្ត្រីចិន នឹងធ្វើជាសហប្រធាននៅក្នុងកិច្ចប្រជុំជាប្រចាំលើកទី ២៤ រវាងប្រមុខថ្នាក់ដឹកនាំរដ្ឋាភិបាលរបស់ប្រទេសទាំង ២ ជាមួយលោក Dmitry Medvedev នៅក្នុងទីក្រុងសេនភីធើប៊ឺហ្គ។ លោក Li Keqiang បានជួបជាមួយប្រធានាធិបតីរុស្ស៊ីលោក វ៉្លាឌីមៀរ ពូទីន នៅក្រុងម៉ូស្គូ។
វាគឺជាសហប្រតិបត្តិការក្នុងកម្រិតខ្ពស់ដ៏មានសារៈសំខាន់ផ្សេងទៀត រវាងប្រទេស ចិន និងរុស្ស៊ី ក្រោយពីដំណើរទស្សនកិច្ចផ្លូវរដ្ឋរបស់ប្រធានាធិបតីចិន លោក ស៊ី ជីនភីង កាលពីខែមិថុនា ដែលលោក និងលោក ពូទីន បានសម្រេចចិត្តធ្វើឲ្យល្អប្រសើរឡើងនូវចំណងទាក់ទងយ៉ាងជិតស្និទ្ធ ដើម្បីភាពជាដៃគូនៃកិច្ចសហប្រតិបត្តិការជាយុទ្ធសាស្ត្រទូលំទូលាយមួយសម្រាប់សករាជសម័យថ្មីនេះ៕ Xinhua/SK