ក្រុងតូក្បូ៖ លោកនាយករដ្ឋមន្ត្រីជប៉ុន លោក ស៊ីនហ្សូ អាបេ កាលពីថ្ងៃពុធបានថ្លែងថា ប្រទេស ជប៉ុន មិនទាន់ដល់ចំណុច ដែលចាំបាច់ត្រូវបានប្រកាសអាសន្ន ជុំវិញជំងឺកូវីដ ១៩ ទេ ថ្វីបើចំនួននៃករណីឆ្លងបន្តកើនឡើងនៅក្នុងប្រទេសនេះក្តី។
ដោយថ្លែងនៅក្នុងជំនួបព្រឹទ្ធសភាអំពីបញ្ហានេះ មេដឹកនាំជប៉ុនរូបនេះបានថ្លែងឲ្យដឹងថា ប្រសិននៅពេលដែលការសម្រេចចិត្តនឹងត្រូវបានធ្វើឡើងនោះ វានឹងត្រូវដូច្នេះ ដោយផ្អែកទៅលើការផ្តល់អាទិភាពដល់ជីវិតរបស់ប្រជាជន និងសុខភាពរបស់សាធារណជន។
ខណៈដែលអភិបាលក្រុងតូក្យូលោកស្រី យូរីកូ គយកេ បានស្នើឲ្យលោក អាបេ សម្រេចចិត្តថា តើត្រូវប្រកាសអាសន្នដែរ ឬយ៉ាងណា ខណៈករណីឆ្លងជាច្រើននៅក្នុងរដ្ឋធានីនេះបានបន្តកើនឡើងនោះ? លោក ស៊ីនហ្សូ អាបេ បានថ្លែងថា ក្នុងគ្រានេះ អភិបាលខេត្តទាំងអស់ នឹងត្រូវអនុញ្ញាតឲ្យធ្វើសំណើសុំពីប្រជាពលរដ្ឋរបស់ពួកគេ ហើយចេញបញ្ជាចុះ។
លោកស្រី គយកេ ធ្លាប់និយាយថាក្រុងតូក្យូស្ថិតនៅមាត់ជ្រោះនៃគ្រោះថ្នាក់ ហើយដោយសារស្ថានការណ៍បែបនេះ រដ្ឋាភិបាលកណ្តាលចាំបាច់ត្រូវសម្រេចចិត្តអំពីការប្រកាស និងចេញបិទទូទាំងក្រុងជាសក្តានុពល។
ការថ្លែងរបស់លោក អាបេ ដែលត្រូវបានធ្វើឡើងនៅព្រឹទ្ធសភានៅតែអាចមើលឃើញលោកស្រី គយកេ ពង្រីកការរឹតបន្តឹងការធ្វើដំណើររបស់ប្រជាជននៅក្នុងក្រុងនេះ បន្ទាប់ពីសំណើរបស់លោកស្រី កាលពីចុងសប្តាហ៍សុំឲ្យប្រជាជនស្នាក់នៅក្នុងផ្ទះ ហើយលោកស្រី បន្តការអំពាវនាវឲ្យប្រជាជនធ្វើការពីផ្ទះ និងមិនឲ្យធ្វើដំណើរចេញក្រៅនៅពេលល្ងាចៗទេ។
រួមជាមួយក្រុងតូក្យូនោះ ក្រុងអូសាកា បានចាត់ទុកក្លិបរាត្រី និងកន្លែងកម្សាន្តនៅពេលយប់ថាជា កន្លែងចម្លងជំងឺកូវីដដ៏មានសក្ដានុពល ដោយលោក យូស៊ីមូរ៉ា ហ៊ីរ៉ូហ្វូមី អភិបាលក្រុងអូសាកា ថ្លែងថា ជំងឺនេះអាចឆ្លងយ៉ាងឆាប់រហ័ស៕