ក្រុងបាងកកៈ នាយករដ្ឋមន្ត្រីថៃលោក ប្រាយុធ ចានអូចា បានបញ្ជាឲ្យផ្តល់ជំនួយជាបន្ទាន់ដល់ជនរងគ្រោះដោយទឹកជំនន់ ក្រោយពីភ្លៀងធ្លាក់ខ្លាំង ដែលបណ្តាលឲ្យខូចខាតយ៉ាងដំណំនៅក្នុងខេត្តប្រាជុបគីរីខាន់ និង្តជុមផន។
លោក Buddhipongse បានប្រាប់ប្រព័ន្ធផ្សព្វផ្សាយកាលពីថ្ងៃសៅរ៍ថា៖ «លោកនាយករដ្ឋមន្ត្រី បានទទូចឲ្យមានការយកចិត្តទុកដាក់ដល់ការថែទាំក្រុមអ្នកជំងឺទាំងអស់នៅក្នុងមន្ទីរពេទ្យ»។
លោកបានថ្លែងឲ្យដឹងថា លោកនាយករដ្ឋមន្ត្រី បានកោតសរសើរ ក្រុមមន្ត្រីអាជ្ញាធរ និងមន្ត្រីយោធាចំពោះការចូលរួមកិច្ចខិតខំប្រឹងប្រែងរួមក្នុងការផ្តល់ជំនួយសង្គ្រោះនៅក្នុងស្រុកបាងសាផាន់ និងស្រុកបាងសាផាន់ណយ។
យោងតាមលោក Buddhipongse បានឲ្យដឹងថា ស្រុកទាំង ២ បានទទួលរងការខូចខាតយ៉ាងធ្ងន់ធ្ងរដោយសារគ្រោះទឹកជំនន់ ២ ទសវត្សរ៍កន្លងទៅនេះ។
គេមិនទាន់ច្បាស់ថា តើក្រុមអាជ្ញាធរបានទទួលសេចក្តីព្រមានដែរឬយ៉ាងណាពីបញ្ហាទឹកជំនន់ដែលបានកើតឡើង។
ដោយបន្ថែមពីលើទឹកភ្លៀងខ្លាំងនោះ ទឹកហូរធ្លាក់ពីភ្នំបានធ្វើឲ្យស្ថានភាពនោះ កាន់តែអាក្រក់ ក្រោយពីភ្លៀង បានបង្កការប៉ះពាល់់តំបន់ជាច្រើនកាលពីថ្ងៃព្រហស្បតិ៍។
ប្រធានមន្ទីរពេទ្យ លោក Choetchai Chayawatthatho បានថ្លែងថា ស្ថានភាពនោះ បានល្អប្រសើរឡើងបណ្តើរៗហើយ ដោយកម្រិតទឹកកំពុងស្រកចុះនៅក្នុងផ្នែកភាគច្រើននៃបរិវេណមន្ទីរពេទ្យ Bang Saphan នៅក្នុងខេត្តបាងសាផាន៕