.jpg)
លោក Jahangir Kabir Nanak (ទី៤ កណ្តាល) អ្នកនាំពាក្យបក្សកាន់អំណាចពិភាក្សានៅក្នុងអំឡុងសន្និសីទកាសែត។ AFP
ក្រុងដាក្កាៈ ថ្វីបើគ្មានបេក្ខជនប្រឆាំង សម្រាប់តំណែងនាយករដ្ឋមន្ត្រី មនុស្សរាប់រយនាក់ត្រូវបានគេចាប់ខ្លួន និងនាយករដ្ឋមន្ត្រី ដែលកំពុងកាន់តំណែង លោកស្រី Sheikh Hasina ត្រូវគេចោទប្រកាន់ពីបទ មិនអើពើអំពីលទ្ធិប្រជាធិបតេយ្យនៅក្នុងអំឡុងការកាន់អំណាចរបស់លោកស្រីក្តី ក៏ប្រទេសបង់ក្លាដែស បានចាប់ផ្តើមធ្វើយុទ្ធនាការឃោសនាកាលពីថ្ងៃចន្ទសម្រាប់ការបោះឆ្នោតនៅចុងឆ្នាំនេះដែរ។
ប្រជាជនជាង ១០០ លាននាក់ បានចុះឈ្មោះ ដើម្បីបោះឆ្នោតនៅថ្ងៃទី ៣០ ខែធ្នូខាងមុខនេះ សម្រាប់សម្ព័ន្ធ Awami របស់លោកស្រី Hasina និងក្រុមសម្ព័ន្ធមិត្តរបស់ខ្លួនឬ ជាបក្សប្រឆាំងមួយ ដែលមានបញ្ហានិយាយថា ខ្លួនត្រូវបានរាំងខ្ទប់ដោយកម្លាំងប៉ូលិស។
ខណៈយុទ្ធនាការឃោសនានោះ ត្រូវបានចាប់ផ្តើម ដោយបេក្ខជន ជាច្រើននាក់រៀបចំដំណើរការ និងចែកចាយខិត្តប័ណ្ណ គណបក្សជាតិនិយមបង់ក្លាដែស (BNP) ដែលសង្ឃឹមថា នឹងយកឈ្នះលោកស្រីនៅក្នុងអាណត្តិទី ៤ នេះ បាននិយាយថាអ្នកគាំទ្ររបស់ខ្លួនជិត ២ ពាន់នាក់ ត្រូវបានគេចាប់ខ្លួន។
ក្រុមអ្នកគាំទ្រសម្ព័ន្ធ Awami បង់ក្លាដែសក្នុងយុទ្ធនាការឃោសនាបោះឆ្នោត។ AFP
ប៉ូលិស បាននិយាយថា អ្នកដែលត្រូវបានចាប់ខ្លួន ចាប់តាំងពីមានការបោះឆ្នោត ត្រូវបានប្រកាសកាលពីខែវិច្ឆិកានោះ រួមមានបេក្ខជនមួយចំនួនប្រហែលត្រូវបានគេវាយ ដោយសារពាក្យសម្តីមិនសមរម្យ មុនចេញដីកាឲ្យចាប់ខ្លួនពួកគេ។
ប៉ុន្តែគណបក្សប្រឆាំង បាននិយាយថា លោកស្រី Hasina និងគណបក្សរបស់លោកស្រីត្រូវបានអនុវត្តតាមផែនការ «មុនការបោះឆ្នោត» ដែលបានរៀបចំឡើង ដើម្បីបង្ក្រាបគូបដិបក្ខ និងបំភិតបំភ័យអ្នកបោះឆ្នោតរបស់ពួកគេ។
អ្នកនាំពាក្យ BNP លោក Rizvi Ahmed បានប្រាប់ AFP ថា៖ «រដ្ឋាភិបាលចង់ពន្យារពេលបោះឆ្នោត។ ការចាប់អ្នកទាំងនោះ គឺគ្រាន់តែធ្វើឡើង ដើម្បីបំភិតបំភ័យប្រជាជន និងធ្វើឲ្យពួកគេមានការព្រួយបារម្ភចំពោះសុវត្ថិភាពនៅពេលទៅបោះឆ្នោត»។
អតីតមេដឹកនាំប្រឆាំងលោក Khaleda Zia បានជាប់ពន្ធនាគារ ១០ ឆ្នាំពីបទពុករលួយ៕
