បុរីញូវយ៉ក: យោងតាមប្រភពការទូតនានាបានឲ្យដឹងថា សមាជិក ៩ ក្នុងចំណោមសមាជិកក្រុមប្រឹក្សាសន្តិសុខអង្គការសហប្រជាជាតិទាំង ១៥ ប្រទេស បានស្នើសុំឲ្យមានកិច្ចប្រជុំមួយកាលពីថ្ងៃចន្ទ បន្ទាប់ពីមានបទចោទប្រកាន់មួយពាក់ព័ន្ធការវាយប្រហារអាវុធគីមីទៅលើទីប្រជុំជនត្រួតត្រាដោយក្រុមឧទ្ទាមនៅក្នុងទឹកដីស៊ីរី។
បារាំង បានធ្វើជាអ្នកផ្តួចផ្តើមកិច្ច ប្រជុំនេះ ហើយសំណើនោះ ក៏ត្រូវបានចុះហត្ថលេខាដោយអង់គ្លេស កូឌីវ័រ កូវ៉ែត ប៉េរូ ប៉ូឡូញ ស៊ុយអែត និង អាមេរិក។
ជំនួបនោះ ត្រូវបានគ្រោងធ្វើឡើងនៅម៉ោង ១១ និង ៣០ នាទីព្រឹក។ រុស្ស៊ី ដែលបានបដិសេធថា ក្រុងដាម៉ាស មិនបានវាយប្រហារអាវុធគីមីនៅតំបន់ Ghouta ភាគខាងកើតទេ បានស្នើឲ្យមានជំនួបក្រុមប្រឹក្សាដាច់ដោយឡែកមួយ នៅម៉ោង ៣ រសៀល។
យោងតាមប្រភពការទូតបានឲ្យដឹងថា កិច្ចពិភាក្សាទាំងនោះ មិនផ្តោតទៅលើស៊ីរីទេ ប៉ុន្តែជំនួសមកវិញ ផ្តោតទៅលើការគំរាមកំហែងរបស់ពិភពលោកទៅលើសន្តិភាព។
ក្រុងម៉ូស្គូ បានព្រមានក្រុងវ៉ាស៊ីនតោន ប្រឆាំងនឹងការធ្វើអន្តរាគមន៍ដោយយោធាទៅលើលេសជាច្រើនដែលត្រូវបានគេបង្កើតឡើងនៅក្នុងទឹកដីស៊ីរី ដោយបាននិយាយថា វិធានការមួយនេះ អាចជួបប្រទះផលវិបាកជាច្រើន។
រួមជាមួយសម្ព័ន្ធមិត្តរបស់ស៊ីរីមានរុស្ស៊ី អង់គ្លេស បារាំង និងអាមេរិក គឺជាសមាជិកអចិន្រៃ្តយ៍របស់ក្រុមប្រឹក្សាសន្តិសុខ ហើយចិនក៏ជាសមាជិកដែរ។
រដ្ឋដទៃទៀត ដែលបានចុះហត្ថលេខា លើសំណើឲ្យមានជំនួបសម្រាប់ស៊ីរី មិនមែនជាសមាជិកនៃអង្គការនេះ ដែលបានជួបគ្នាច្រើនដងជុំវិញបញ្ហាសង្គ្រាមនៅស៊ីរី ចាប់តាំងពីសង្គ្រាមនេះ ចាប់ផ្តើមនៅក្នុងឆ្នាំ ២០១១។
នៅក្នុងសេចក្តីថ្លែងការណ៍មួយឯកអគ្គរដ្ឋទូតអាមេរិកលោកស្រីនីកគី ហាលី បានថ្លែងថា៖ «ជាអកុសល ការប្រើប្រាស់អាវុធគីមី ដើម្បីធ្វើឲ្យជនស៊ីវិលស៊ីរី ស្លូតត្រង់ស្លាប់ និងរងរបួសគឺជារឿងសាមញ្ញទៅហើយ»។
ក្រុមប្រឹក្សាសន្តិសុខ បានរួបរួមគ្នានិងទាមទារឲ្យមានលទ្ធភាពបន្ទាន់សម្រាប់ក្រុមអ្នកឆ្លើយតបដំបូងៗ គាំទ្រឲ្យមានការស៊ើបអង្កេតឯករាជ្យទៅលើអ្វីដែលបានកើតឡើង និងរកអ្នកទទួលខុសត្រូវ៕