.jpg)
លោក Kenneth McKenzie ឧត្តមសេនីយ៍នៃបញ្ជាការកណ្តាលអាមេរិក (CENTCOM)។ AFP
ក្រុងឌូបៃៈ ប្រទេស បារ៉ែន បានថ្លែងកាលពីថ្ងៃចន្ទថា ខ្លួននឹងចូលរួមកិច្ចខិតខំប្រឹងប្រែងដឹកនាំដោយអាមេរិក ដើម្បីការពារដល់ការធ្វើនាវាចរណ៍តាមឈូងសមុទ្រ នៅចំពេលមានភាពតានតឹងរវាងក្រុងវ៉ាស៊ីនតោន និងក្រុងតេអេរ៉ង់ ក្រោយពីមានការវាយប្រហារជាបន្តបន្ទាប់ទៅលើនាវាដឹកប្រេងក្នុងប៉ុន្មានខែថ្មីៗនេះ។
ប្រព័ន្ធផ្សព្វផ្សាយរដ្ឋបាននិយាយថា ព្រះអង្គម្ចាស់ហាម៉ាដនៃប្រទេស បារ៉ែន ព្រះអង្គបានអរគុណយ៉ាងខ្លាំង «ចំពោះតួនាទីអាមេរិកក្នុង ការគាំទ្រឲ្យមានសន្តិសុខ និងស្ថិរភាពក្នុងតំបន់» នៅក្នុង អំឡុងពេលជំនួបមួយជាមួយឧត្តមសេនីយ៍នៃបញ្ជាការកណ្តាលអាមេរិក (CENTCOM) គឺលោក Kenneth McKenzie។
ទីភ្នាក់ងារសារព័ត៌មានផ្លូវការបារ៉ែន បានរាយការណ៍ថា៖ «ព្រះអង្គបានអះអាងថា ការចូលរួមរបស់ព្រះរាជាណាចក្របារ៉ែន នៅក្នុងកិច្ចខិតខំប្រឹងប្រែងរួម ដើម្បីការពារសុវត្ថិភាពនាវាចរណ៍អន្តរជាតិ និងធានាផ្លូវសមុទ្រអន្តរជាតិ ដើម្បីធ្វើពាណិជ្ជកម្ម និងថាមពល»។
អាមេរិកបានកំពុងស្វះស្វែង ដើម្បីបង្កើតក្រុមចម្រុះមួយក្នុងការធានាឲ្យមានសេរីភាពនាវាចរណ៍នៅក្នុងឈូងសមុទ្រមានជម្លោះនោះ។
ទីភ្នាក់ងារព័ត៌មានផ្លូវការបារ៉ែន (BNA) មិនបានបញ្ជាក់ថា តើប្រទេស បារ៉ែន នឹងចូលរួមជាមួយក្រុមចម្រុះដោយខ្លួនឯង ឬនឹងត្រូវធ្វើការបរិច្ចាគរបស់ខ្លួនអ្វីខ្លះទៅឲ្យក្រុមចម្រុះនោះទេ។
អង់គ្លេសជាប្រទេសដែលមាននាវាចម្បាំងជាច្រើនគ្រឿងរួចហើយ ដើម្បីបំពេញតួនាទីនៅក្នុងការការពារនៅក្នុងឈូងសមុទ្រ ក្រោយពីនាវាដឹកប្រេងមានទង់ជាតិអង់គ្លេសមួយគ្រឿង ត្រូវបានរឹបអូសដោយកងការពារបដិវត្តន៍អ៊ីរ៉ង់បានថ្លែងថា ខ្លួននឹងចូលរួមក្នុងប្រតិបត្តិការនោះ៕ AFP/SK
