.jpg)
ប្រធានាធិបតីម៉ាល់ឌីវលោកAbdulla Yameen ធ្វើសេចក្តីថ្លែងការណ៍។ AFP
កូឡុំបូៈ ប្រធានាធិបតីប្រទេសម៉ាល់ឌីវកាលពីថ្ងៃចន្ទ បានទទួលស្គាល់ការបរាជ័យនៅក្នុងការបោះឆ្នោត ដោយបានបន្ធូរបន្ថយការភ័យខ្លាចថាអាចកើតមានវិបត្តិនយោបាយនៅក្នុងប្រទេសប្រជុំកោះមួយនេះ ដែលជាចំណុចកណ្តាលនៃការចម្រោងចម្រាសគ្នារវាងឥទ្ធិពលឥណ្ឌា និងចិន។
លោក Abdulla Yameen បានថ្លែងតាមកញ្ចក់ទូរទស្សន៍ទៅកាន់ប្រជាជាតិដែលនៅក្នុងមហាសមុទ្រឥណ្ឌាមួយនេះតែ មួយថ្ងៃបន្ទាប់ពីបេក្ខជនគណបក្សប្រឆាំងរួមគ្នា បានទទួលជ័យជម្នះដោយមិននឹកស្មានដល់ថា៖« ប្រជាពលរដ្ឋម៉ាល់ឌីវ បានសម្រេចនូវអ្វី ដែលពួកគេចង់បាន»។
លោក Yameen បញ្ជាក់ថា៖«ខ្ញុំបានជួបជាមួយលោក Ibrahim Mohamed Solih ដែលពលរដ្ឋម៉ាល់ឌីវ បានបោះឆ្នោតជ្រើសរើសធ្វើជាប្រធានាធិបតីបន្ទាប់របស់ពួកគេ ខ្ញុំបានអបអរសាទរជ័យជម្នះរបស់គាត់»។
មានការព្រួយបារម្ភទាំងនៅក្នុងប្រទេស និងក្រៅប្រទេសថា លោក Yameen អាចនឹងមិនទទួលយកលទ្ធផលបោះឆ្នោតនោះទេ។ លោក បានខ្ចីលុយរាប់រយលានដុល្លារពីប្រទេសចិន ដើម្បីសាងសង់ហេដ្ឋារចនាសម្ព័ន្ធ ដែលបានធ្វើឲ្យមានការបារម្ភចំពោះការគាំទ្រជាប្រពៃណីរបស់ឥណ្ឌាចំពោះម៉ាល់ឌីវ៕ NS
