ក្រុងវ៉ាស៊ីនតោនៈ រដ្ឋមន្ត្រីការបរទេសអាមេរិកលោក ម៉ៃក៍ ប៉ុមប៉េអូ បានលើកឡើងពីអាកប្បកិរិយា «មិនស្មោះត្រង់ » របស់កូរ៉េខាងជើងកាលពីថ្ងៃអង្គារ ខណៈការចរចាអំពីការលុបបំបាត់កម្មវិធីអាវុធនុយក្លេអ៊ែររបស់ប្រទេសនេះ នៅបន្តជាប់គាំង។
នៅក្នុងសុន្ទរកថាមួយ ថ្លែងទៅកាន់ក្រុមទាហានជើងចាស់អាមេរិក អ្នកការទូតកំពូលអាមេរិករូបនេះ បានថ្លែងអំពីគុណតម្លៃនៃ «អាមេរិកាំងនិយម» ហើយចង់ប្រាប់ការពិតអំពីឧបសគ្គជាច្រើន ដែលប្រទេសនេះកំពុងប្រឈម។
លោក ប៉ុមប៉េអូ បានថ្លែងនៅឯសន្និបាតជាតិនៃតំបន់អាមេរិកនៅក្នុងក្រុងអ៊ីនឌីអាណា ប៉ូលិសនៃរដ្ឋអ៊ីនឌីអាណាថា៖ «រដ្ឋការនេះមិនចង់ឲ្យសាធារណរដ្ឋអ៊ិស្លាមអ៊ីរ៉ង់ជាអ្នកដើរទទួលខុសត្រូវចំពោះសកម្មភាពនៅមជ្ឈិមបូព៌ាទេ។
យើងបានរិះគន់អាកប្បកិរិយាដ៏អាក្រក់របស់ចិនចំពោះការធ្វើពាណិជ្ជកម្ម និងសន្តិសុខជាតិ។ យើងបានទទួលស្គាល់ថា អាកប្បកិរិយាមិនស្មោះត្រង់របស់កូរ៉េខាងជើង មិនអាចមើលរំលងបានទេ»។
លោកបានថ្លែងបន្តថា អាមេរិក «បានជំរុញឲ្យមានការគាំទ្រជាសកល ក្នុងការលុបបំបាត់អាវុធនុយក្លេអ៊ែររបស់កូរ៉េខាងជើង»៕ Yonhap/SK