.jpg)
លោកឧត្តមសេនីយ៍ ណាត់ថាវ៉ាត កាន់ឌី (កណ្តាល) ថ្លែងអំពីលទ្ធផលក្នុងការបង្ក្រាបនៅតំបន់ភាគឦសាន។ BKP
ខេត្តខនកេនៈ ក្រុមអាជ្ញាធរថៃ បានថ្លែងថា ប៉ូលិសអន្តោប្រវេសន៍ បានចាប់ខ្លួនជនសង្ស័យបរទេស និងជនជាតិថៃជាង ២ ២០០ នាក់ ជុំវិញការប្រព្រឹត្តបទល្មើសផ្សេងៗគ្នា ជាផ្នែកមួយនៃការបង្ក្រាបនៅភាគឦសាននៅអំឡុងពេល ២ សប្តាហ៍មកនេះ ខណៈក្រុមឧក្រិដ្ឋជនមកពីប្រទេស កាមេរូន និងកូឡុំប៊ី ស្ថិតនៅក្រោមការឃ្លាំមើលយ៉ាងយកចិត្តទុកដាក់។
លោកឧត្តមសេនីយ៍ ណាត់ថាវ៉ាត កាន់ឌី ជាមេបញ្ជាការកងពលលេខ ៤ ទទួលបន្ទុកជនអន្តោប្រវេសន៍ បានថ្លែងនៅក្នុងសន្និសីទសារព័ត៌មាននៅខេត្តខនកេន កាលពីថ្ងៃសៅរ៍ថា ក្រុមមន្ត្រីទាំងនោះ បានចុះបង្ក្រាបជាបន្តបន្ទាប់ ដែលបានផ្តល់លទ្ធផលសរុបនៃការចាប់ខ្លួនមានចំនួន ២ ២៧៤ នាក់ នៅចន្លោះពីថ្ងៃទី ១ ដល់ ថ្ងៃទី ១៤ ខែ មិថុនា។
លោកបានថ្លែងថា ក្រុមជនសង្ស័យបរទេសចំនួន ៦២២ នាក់ បានចូលប្រទេស ថៃ ដោយខុសច្បាប់កាលពីថ្ងៃទី ៣១ ខែ ឧសភា ដែលលិខិតឆ្លងដែនរបស់ពួកគេបានផុតកំណត់ ហើយ ៧៣ នាក់ទៀត កំពុងធ្វើការដោយខុសច្បាប់ និង ១៦ នាក់ ត្រូវបានចេញដីកាឲ្យតាមចាប់ខ្លួន ដូច្នេះពួកគេចំនួន ១ ២៤៥ នាក់ បានប្រព្រឹត្តបទល្មើសផ្សេងៗ ហើយ ២៨៧ នាក់ ត្រូវបានបដិសេធមិនព្រមប្រគល់ខ្លួន។
ប៉ូលិសអន្តោប្រវេសន៍ បានចូលរួមកម្លាំងជាមួយក្រុមមន្ត្រី Thap Lan National Park ដើម្បីចាប់ខ្លួនជនសង្ស័យ ១៨ នាក់ ១៥ នាក់ជាជនជាតិខ្មែរ និង ៣ នាក់ ជាជនជាតិថៃ ដោយពួកគេបានរងការចោទប្រកាន់ពីបទកាប់ឈើគ្រញូងក្នុងព្រៃអភិរក្សនៅខេត្តណាខន រាជចាស៊ីម៉ា។
លោក ណាត់ថាវ៉ាត បានថ្លែងថាក្នុងចំណោមអ្នកដែលត្រូវបានចាប់ខ្លួននោះ ក៏មានវៀតណាមដែរ៕ BKP
