ខេត្តឈៀងរ៉ៃៈ ថ្នាំញៀនជាង ២០ លានគ្រាប់ និង ម៉ាទឹកកក ១០០ គីឡូក្រាម មានតម្លៃជាទឹកប្រាក់ជាង ២ ពាន់លានបាត ត្រូវបានរឹបអូសនិងអ្នកជួញដូរបីនាក់ ត្រូវបានចាប់ខ្លួននៅក្នុងកិច្ចប្រតិបត្តិការពីរធំៗ របស់ប៉ូលិសនៅក្នុងខេត្ត ឈៀងរ៉ៃ។
ផ្នែកនៃចំនួនគ្រឿងញៀនខុសច្បាប់ដ៏ច្រើន ត្រូវបានរឹបអូស នៅចន្លោះថ្ងៃទី១៣ និង១៤ ខែតុលា ត្រូវបានបង្ហាញនៅក្នុងអំឡុងសន្និសីទកាសែតតាមបណ្តាញផ្សព្វផ្សាយសង្គមនៅទីស្នាក់ការនៃការិយាល័យបង្រ្កាបគ្រឿងញៀននៅក្រុងបាងកក កាលពីថ្ងៃចន្ទ។
លោកឧត្តមសេនីយ៍ Chalermkiart Srivorakhan អគ្គស្នងការរងប៉ូលិសជាតិ បានថ្លែងថា នៅក្នុងការវាយឆ្មក់លើកទី១ ប៉ូលិសបង្រ្កាបគ្រឿងញៀន បានរឹបអូសមេតាំហ្វេតាមីនចំនួន ១២,២០០,០០០ គ្រាប់ និងម៉ាទឹកកក ១០០ គីឡូក្រាម និង រថយន្តភីកអាប់បីគ្រឿងនៅស្រុកឈៀងខុង កាលពីថ្ងៃទី១៣ ខែតុលា។
បុរសបីនាក់ មានឈ្មោះ Withoon Piyapipattarakul អាយុ៣ ៥ ឆ្នាំ Witthaya Wongbunchailert អាយុ ៣២ ឆ្នាំ និង លោក Awichart Songsitthichaoren អាយុ ៣៣ ឆ្នាំ ត្រូវបានចាប់ខ្លួន។
លោក បានបញ្ជាក់ថា ការបង្រ្កាបគ្រឿងញៀននោះ បានកើតឡើងបន្ទាប់ពីមានព័ត៌មានថាក្រុមជួញដូរគ្រឿងញៀន នឹងរត់ពន្ធគ្រឿងញៀនខុសច្បាប់ក្នុងចំនួនច្រើនចេញពីស្រុក Phaya Mengrai ទៅកាន់ខេត្តឈៀងរ៉ៃភាគកណ្តាល។
ប៉ូលិសជាច្រើនក្រុម ត្រូវបានដាក់ពង្រាយ ដើម្បីឲ្យតាមដានតាមផ្លូវរត់ពន្ធគ្រឿងញៀនរហូតឈានដល់បង្រ្កាបប្រកបដោយជោគជ័យ៕ BKP/ PSA