ក្រុងប៉ារីស៖ ប៉ូលិសបារាំងបានបាញ់ឧស្ម័នបង្ហូរទឹកភ្នែក និងកាណុងបាញ់ទឹកទៅលើក្រុមបាតុករពន្លត់អគ្គិភ័យរាប់ពាន់នាក់ ដែលបានតវ៉ានៅកណ្តាលទីក្រុងប៉ារីសកាលពីថ្ងៃអង្គារ ជុំវិញការខ្វះខាតធនធាន និងការមិនទទួលស្គាល់វិជ្ជាជីវៈ។
បាតុកម្មនោះ បានចាប់ផ្តើមធ្វើឡើងនៅទីប្រជុំជន ប៉ុន្តែធ្វើដោយសន្តិវិធី ដោយមានការផ្លុំកញ្ចែ ជក់បារី និងបើកស៊ីរ៉ែន នៅមុនស្ថានការណ៍ បានឡើងកម្ដៅហើយក្រុមអ្នកពន្លត់អគ្គិភ័យបានវាយជាមួយប៉ូលិស ខណៈពួកគេបានព្យាយាមបិទផ្លូវសំខាន់មួយកន្លែងនៅទីនោះ។
ប៉ូលិសបានបាញ់ឧស្ម័នបង្ហូរទឹកភ្នែក និងកាណុងបាញ់ទឹកទៅលើក្រុមអ្នកគាំទ្រសេវាបុគ្គលិកសង្គ្រោះបន្ទាន់របស់ពួកគេ។
ក្រុមអ្នកតវ៉ារាប់សិបនាក់បានប្រមូលផ្តុំគ្នានៅខាងក្រៅអគាររដ្ឋសភា ហើយប៉ុន្មានម៉ោងក្រោយមកបាននាំគ្នាបំបែកទៅវិញ ដោយសារការប្រឈមមុខជាមួយប៉ូលិស។
ដោយមានបាតុករខ្លះបានគ្រវីបដាជាមួយពាក្យស្លោក ដូចជា «ធ្វើឲ្យបានច្រើនជាងនិយាយ សូមស្វាគមន៍ចំពោះការមកដល់ការិយាល័យអគ្គិភ័យ» ចំណែកឯអ្នកតវ៉ាផ្សេងទៀត បានវាយប្រហារទៅលើអ្វីដែលពួកគេបានពិពណ៌នាថាជាការ «មិនគោរពគោលនយោបាយ» ដើម្បីបុព្វហេតុរបស់ពួកគេនោះ។
ក្រសួងមហាផ្ទៃ បានថ្លែងអំពីឧប្បត្តិហេតុ «ដាច់ដោយឡែកពីគ្នា» ដែលបានឈានដល់ការចាប់ខ្លួនមនុស្ស ៦ នាក់ ហើយមន្ត្រីប៉ូលិស ៣ នាក់ផ្សេងទៀត បានរងរបួស។
ក្រុមអ្នកតវ៉ាពន្លត់អគ្គិភ័យបានចេញធ្វើបាតុកម្មទទួលបានជោគជ័យ ដោយបានដាក់ចំនួនក្រុមអ្នកតវ៉ានៅចន្លោះពី ៧ ០០០ ដល់ ១០ ០០០ នាក់ ហើយប៉ូលិសក្រុងប៉ារីសវិញបានដាក់ចំនួនអ្នកចូលរួមធ្វើបាតុកម្មថា មានត្រឹម ៧ ៤០០ នាក់៕ AFP/SK