ក្រុងកាណូៈ ប៉ូលិសបានថ្លែងថា ក្រុមខ្មាន់កាំភ្លើងប្រហែល ៣០០ នាក់ បានបើកការវាយប្រហារទៅលើភូមិមួយកន្លែងនៅនីហ្សេរីយ៉ាភាគពាយព្យនៅក្នុងការវាយប្រហារសងសឹកមួយ បានបណ្តាលឲ្យមនុស្ស ១០ នាក់ស្លាប់ ដោយបានដុតរថយន្តអស់ជាច្រើនគ្រឿង និងប្លន់យកគោក្របីទៀតផង។
អ្នកនាំពាក្យប៉ូលិសប្រចាំតំបន់លោក Gambo Isah បានថ្លែងនៅក្នុងសេចក្តីថ្លែងការណ៍មួយថា ក្រុមអ្នកវាយប្រហារទាំងនោះ «បានសម្រុកចូល» ទៅក្នុងភូមិឃិតតាវ៉ានៅរដ្ឋកាត់ស៊ីណាកាលពីល្ងាចថ្ងៃសៅរ៍ ដោយបានបាញ់ប្រហារទៅលើក្រុមអ្នកស្រុក និងប្លន់យកគោក្របីអស់ជាច្រើនផងដែរ។
លោក Isah បានថ្លែងថា៖ «មនុស្ស ១០ នាក់ ត្រូវបានគេរកឃើញថាស្លាប់ និង ៥ នាក់ផ្សេងទៀតបានរងរបួស»។
លោកបានថ្លែងថា ក្រុមចោលប្លន់ទាំងនោះបានបើកការវាយប្រហារទៅលើរថយន្ត ៥ គ្រឿង និងម៉ូតូ ៤ គ្រឿង ក្រោយពីប្លន់ «យកគោក្របីមួយចំនួនដែលមិនបានបញ្ជាក់ប្រាប់អំពីចំនួនច្បាស់លាស់នោះទេ»។
ប៉ូលិសបានថ្លែងថា ក្រុមខ្មាន់កាំភ្លើងនោះបានបើកការវាយប្រហារទៅលើកងកម្លាំងសន្តិសុខ ខណៈពួកគេបានមកដល់នៅកន្លែងកើតហេតុ ដោយបានបាញ់សន្ធប់ទៅលើកងរថយន្តបាឡាំងដាស់មួយគ្រឿង ហើយបានបង្កឲ្យទាហានម្នាក់ និងមន្ត្រីយោធាម្នាក់រងរបួសនៅមុនពេលរត់គេចខ្លួននោះ៕ SK