.jpg)
ស្ត្រីអីុស្រាអែល ប្រតាយប្រតប់ជាមួយប៉ូលិស ដែលព្យាយាមបំបែកក្រុមអ្នកតវ៉ានៅក្នុងការតវ៉ាតាមដងផ្លូវ។ AFP
ក្រុងហ៊្សេរុយសាឡិមៈ ប៉ូលិស បាននិយាយថា អ្នកវាយប្រហារម្នាក់បានយកកាំបិតចាក់ប៉ូលិសព្រំដែនអីុស្រាអែល ២នាក់ នៅក្នុងទីក្រុងចាស់នៃក្រុងហ៊្សេរុយសាឡិម មុនពេលត្រូវបានគេបាញ់សម្លាប់ កាលពីថ្ងៃព្រហស្បតិ៍។
ការវាយប្រហារនោះ បានកើតឡើងឥតឈប់ឈរ ស្របពេលមានភាពភ័យខ្លាចការកើនឡើងអំពើហិង្សានៅក្នុងជម្លោះ អ៊ីស្រាអែល-ប៉ាឡេស្ទីន។
ពលរដ្ឋប៉ាឡេស្ទីនទាំងពីរនាក់ ដែលត្រូវបានចោទប្រកាន់ពីបទបើកការវាយប្រហារជាច្រើននោះ ត្រូវបានគេបាញ់សម្លាប់នៅក្នុងឧបត្តិហេតុដាច់ដោយឡែកពីគ្នា ក្នុងការដណ្តើមកាន់កាប់តំបន់វេសបែង កាលពីល្ងាចថ្ងៃពុធ និងព្រឹកថ្ងៃព្រហស្បតិ៍នេះ។
អ្នកនាំពាក្យប៉ូលិសម្នាក់ បានថ្លែងថាមន្ត្រីប៉ូលិស ២ នាក់ បានរងរបួសនៅក្រុងហ៊្សេរុយសាឡិម កាលពីព្រឹកថ្ងៃព្រហស្បតិ៍នោះ មិនស្ថិតនៅក្នុងស្ថានភាពគំរាមគំហែងដល់អាយុជីវិតនោះទេ។
អ្នកនាំពាក្យនោះ មិនបានផ្តល់ព័ត៌មានលម្អិតណាមួយជុំវិញអត្តសញ្ញាណនៃការវាយប្រហារនោះទេ៕ SK
