.jpg)
អ្នកបើកបររថយន្តក្រុងម្នាក់ ពាក់ម៉ាស់ការពារប្រឆាំងវីរុសកូវីដ១៩ កំពុងនិយាយទៅកាន់ក្រុមអ្នកដំណើរ។ AFP
ក្រុងដាម៉ាស៖ ប្រទេស ស៊ីរី បានថ្លែងកាលពីថ្ងៃសៅរ៍ថា ការបោះឆ្នោតសភារបស់ខ្លួន គ្រោងធ្វើឡើងសម្រាប់ខែក្រោយ នឹងត្រូវបានពន្យារពេល ថាជាផ្នែកនៃវិធានការ ដើម្បីការពារប្រទេសដែលរងការវាយប្រហារដោយសង្គ្រាមប្រឆាំងនឹងការឆ្លងរីករាលដាលមេរោគផ្លូវដង្ហើម។
ការិយាល័យរបស់ប្រធានាធិបតីស៊ីរីបានថ្លែង នៅលើគណនីប្រព័ន្ធផ្សព្វផ្សាយសង្គមផ្លូវការរបស់ខ្លួនថា ការបោះឆ្នោតនឹងត្រូវបានពន្យារពេលទៅថ្ងៃទី ២០ ខែឧសភា វិញ ចាប់ពីកាលបរិច្ឆេទខាងដើមនៅថ្ងៃទី ១៣ ខែមេសា។
នៅក្នុង «ប្រព័ន្ធផ្សព្វផ្សាយសង្គម» ផ្សេងទៀត វិធានការនានាបានអនុម័តដោយក្រុងដាម៉ាស ដែលមិនមានការបានរាយការណ៍អំពីករណីឆ្លងវីរុសកូរ៉ូណាណាមួយនៅឡើយទេ ក្រុមអ្នកបួងសួងនៅថ្ងៃសុក្ររៀងរាល់សប្តាហ៍ នៅក្នុងព្រះវិហារមួយចំនួន ត្រូវបានពន្យារពេលមិនឲ្យមានការប្រមូលផ្តុំជាដាច់ខាត។
ការបោះឆ្នោតត្រូវបានរៀបចំធ្វើឡើងនៅទូទាំងតំបន់បានគ្រប់គ្រងដោយរដ្ឋាភិបាល គឺជាការបោះឆ្នោតលើកទី ៣ នៅក្នុងប្រទេស ស៊ីរី ចាប់តាំងពីខែមីនា ឆ្នាំ ២០១១ បានចាប់ផ្តើមនៅក្នុងប្រទេសរបស់ខ្លួនមានសង្គ្រាមរយៈពេល ៩ ឆ្នាំ ដែលបានបណ្តាលឲ្យមនុស្សយ៉ាងតិចចំនួន ៣៨៤ ០០០ នាក់ស្លាប់។
កងកម្លាំងរបស់លោកបាសារ អាល់-អាសាដ បច្ចុប្បន្នបានគ្រប់គ្រងទឹកដីនៅស៊ីរីជាង ៧០ ភាគរយ បន្ទាប់ពីទទួលបានជោគជ័យដោយសារមានការគាំទ្រពីរុស្ស៊ីប្រឆាំងនឹងក្រុមឧទ្ទាម និងជីហាដ ចាប់ពីឆ្នាំ ២០១៥ មកនោះ។
កាលពីថ្ងៃសុក្រ រដ្ឋាភិបាលស៊ីរីបានបិទសាលារៀនសាកលវិទ្យាល័យ និងមហាវិទ្យាល័យបច្ចេកទេសរហូតដល់ថ្ងៃទី ២ ខែមេសា។ ព្រឹត្តិការណ៍កម្មវិធីប្រកួតកីឡា និងវប្បធម៌ត្រូវបានលុបចោល និងការជក់បារីស៊ីស្សា ត្រូវបានហាមប្រាមនៅក្នុងប្រទេស ស៊ីរី។
មិនដូចស៊ីរីទេ ប្រទេស ៥ ក្បែរខាងរបស់ខ្លួននោះទេ ដូចជាប្រទេស អ៊ីរ៉ាក់ អ៊ីស្រាអែល ហ៊្សកដានី លីបង់ និងប្រទេស តួកគី ហើយប្រទេសទាំងអស់នោះ សុទ្ធតែបានរាយការណ៍ អំពីករណីនៃការឆ្លងវីរុសផ្លូវដង្ហើមកូរ៉ូណានោះដូចគ្នា។
នៅក្នុងតំបន់បានគ្រប់គ្រងដោយក្រុមឧទ្ទាម និងខេត្តអ៊ីដលីបមានប្រជាជនរស់នៅយ៉ាងច្រើន នៅក្នុងប្រទេស ស៊ីរី ភាគពាយព្យ ដែលបានឡោមព័ទ្ធដោយកងកម្លាំងរដ្ឋាភិបាល ហើយកំពុងប្រឈមមុខជាមួយការខ្វះខាតថ្នាំពេទ្យ និងមន្ទីរពេទ្យយ៉ាងធ្ងន់ធ្ងរនឹងទទួលរងការប៉ះពាល់ពីការផ្ទុះមេរោគផ្លូវដង្ហើមប្រភេទថ្មីមួយនេះយ៉ាងខ្លាំងបំផុតនៅក្នុងប្រទេស ស៊ីរី បច្ចុប្បន្ននេះ៕ AFP/SK
