.jpg)
លោកពូទីនស្នើសុំឲ្យមានការវិនិច្ឆ័យរួមលើវិបត្តិបំពុលភ្នាក់ងារចារកម្ម។ AFP
ក្រុងឡាអេៈ ប្រធានាធិបតីរុស្ស៊ីកាលពីថ្ងៃពុធ បានស្នើឲ្យមានការវិនិច្ឆ័យរួមលើវិបត្តិនៃការបំពុលភ្នាក់ងារចារកម្ម ខណៈក្រុងឡុងដ៍ និងក្រុងម៉ូស្គូ បានប្រឈមមុខដាក់គ្នានៅក្នុងជំនួបដ៏តានតឹងនៅអង្គការឃ្លាំមើលអាវុធគីមីរបស់ពិភពលោក។
សំណើរបស់លោកវ្ល៉ាឌីមៀរ ពូទីន បានកើតឡើង ខណៈក្រុងម៉ូស្គូ បានបណ្តេញអ្នកការទូតហុងគ្រីម្នាក់ ជាកិច្ចប្រឹងប្រែងសងសឹកមួយ បន្ទាប់ពីភាពតានតឹង កើនឡើងរវាងរុស្ស៊ី និងលោកខាងលិច ចាប់តាំងពីមានការវាយប្រហារដោយសារធាតុគីមីបំផ្លាញប្រព័ន្ធប្រសាទទៅលើអតីតភ្នាក់ងារចារកម្មរុស្ស៊ីមួយឆ្នាំកន្លងទៅនោះ។
លោកពូទីន បានថ្លែងក្រោយពីជំនួបកំពូលនៅក្រុងអង់ការ៉ាថា៖ «អ្វី ដែលយើងរំពឹងទុកថា ការវិនិច្ឆ័យរួម គឺជាជ័យជម្នះចុងក្រោយ ហើយនឹងមិនមានការប៉ះពាល់ដល់ការទំនាក់ទំនងអន្តរជាតិ ដែលគេបានឃើញនាពេលថ្មីៗនេះ»។
ប៉ុន្តែនៅពេលចាប់ផ្តើមជំនួបរបស់អង្គការទទួលបម្រាមអាវុធគីមី (OPCW) ក្រុងឡុងដ៍ បានវាយប្រហារ ខណៈរុស្ស៊ីស្នើឲ្យមានការស៊ើបអង្កេតទៅលើការបំពុលអតីតភ្នាក់ងារចារកម្មរុស្ស៊ីលោក Sergei Skripal និងកូនស្រីរបស់លោកនាងយូលៀ។
អ្នកជំនាញអាវុធគីមីអង់គ្លេសលោក John Foggo បានថ្លែងប្រាប់ក្រុមប្រឹក្សាប្រតិបត្តិ OPCW នៅក្នុងក្រុងឡុងដ៍ថា៖ «យើងនឹងមិនយល់ព្រមតាមការស្នើរបស់រុស្ស៊ីឲ្យធ្វើការស៊ើបអង្កេតរួមលើការវាយប្រហារនៅក្រុងSalisbury ទេ ដោយសារអង់គ្លេសដែលមានការគាំទ្រពីប្រទេសជាច្រើននោះ វាយតម្លៃថា រុស្ស៊ី ត្រូវទទួលខុសត្រូវចំពោះការវាយប្រហារនោះ៕
