.jpg)
ប្រធានាធិបតីតួកគីលោក រ៉េសិបតៃយីប អេរដូហ្គែន (ឆ្វេង) និងលោក នីកូឡាស ម៉ាឌូរ៉ូ ចូលរួមសន្និសីទកាសែតរួមគ្នាមួយនៅវិមានប្រធានាធិបតីនៅក្នុងក្រុងការ៉ាកាស កាលពីថ្ងៃទី៣ ខែធ្នូ។ AFP
ក្រុងការ៉ាកាសៈមេដឹកនាំសង្គមនិយម បានប្រកាសថា លោក ប្រធានាធិបតីវ៉េណេស៊ុយអេឡា នីកូឡាស ម៉ាឌូរ៉ូ កាលពីល្ងាចថ្ងៃចន្ទបានចេញដំណើរទៅជួបសមភាគីរុស្ស៊ី លោក វ្លាឌីមៀរ ពីទីន នៅក្រុងម៉ូស្គូ។
លោកម៉ាឌូរូ បានថ្លែងសន្ទរកថាខ្លីមួយនៅមុខយន្តហោះប្រធានាធិបតីថា៖«ខ្ញុំចេញដំណើរដើម្បីជួបពិភាក្សាការងារជាមួយលោកប្រធានាធិបតី វ្លាឌីមៀរ ពូទីន»។
លោកបានចេញដំណើរ ក្រោយពីធ្វើជាម្ចាស់ផ្ទះទទួលសមភាគីតួកគីលោក រ៉េសិប តៃយីប អេរដូហ្គែន នៅក្នុងការ៉ាកាស។
លោក បានថ្លែងថា ជំនួបជាមួយលោកពូទីន នឹងអនុញ្ញាតឲ្យលោកម៉ាឌូរ៉ូ បិទបញ្ចប់ឆ្នាំ២០១៨ ជាមួយនឹងការរីកចម្រើននៃការទំនាក់ទំនងជាយុទ្ធសាស្ត្រ ដែលវ៉េណេស៊ុយអេឡា កំពុងបង្កើតជាមួយពិភពលោកនេះ៕ PSA
