ក្រុងម៉ានីលៈ អ្នកនាំពាក្យរបស់មេដឹកនាំនេះ បានថ្លែងថា លោកប្រធានាធិបតីហ្វីលីពីន Rodrigo Duterte កំពុងពិចារណាយ៉ាងហ្មត់ចត់អំពីការកាត់ផ្តាច់ទំនាក់ទំនងការទូតរបស់ប្រទេសលោកជាមួយនឹងប្រទេស អ៊ីស្លង់ ក្រោយពីប្រទេសនេះ បានស្នើសុំសេចក្តីសម្រេចរបស់អង្គការសហប្រជាជាតិ ដើម្បីស៊ើបអង្កេតលើសង្គ្រាមគ្រឿងញៀន ដែលបានបណ្តាលឲ្យមនុស្សស្លាប់យ៉ាងច្រើននោះ។
លោក Duterte បានបង្ហាញកំហឹងចំពោះការថ្កោលទោសរបស់លោកខាងលិចជុំវិញយុទ្ធនាការរបស់លោក ដែលបានបណ្តាលឲ្យមនុស្សរាប់ពាន់នាក់ស្លាប់ ហើយក្រុមអ្នករិះគន់និយាយថា អាចនាំទៅរកអំពើឧក្រិដ្ឋកម្មប្រឆាំងនឹងមនុស្សជាតិ។
សម្តីកាលពីល្ងាចថ្ងៃចន្ទចេញពីអ្នកនាំពាក្យប្រធានាធិបតី លោក Salvador Panelo បានកើតឡើងជាការឆ្លើយតបទៅនឹងក្រុមប្រឹក្សាសិទ្ធិមនុស្សដែលកាលពីសប្តាហ៍មុនបានគាំទ្រដំណោះស្រាយដែលស្នើឡើងដោយប្រទេស អ៊ីស្លង់ ដើម្បីស៊ើបអង្កេតលើចំនួនមនុស្សស្លាប់ទាំងនោះ។
នៅក្នុងសេចក្តីថ្លែងការណ៍មួយ លោក Panelo បានថ្លែងថាលោក Duterte កំពុងពិចារណាយ៉ាងហ្មត់ចត់អំពីការផ្តាច់ទំនាក់ទំនងការទូតជាមួយប្រទេស អ៊ីស្លង់៕ AFP/PSA