.jpg)
លោកប្រធានាធិបតីអ៊ុយក្រែន Volodymyr Zelensky ធ្វើកាយវិការ ខណៈលោកថ្លែងនៅក្នុងអំឡុងសន្និសីទកាសែត។ AFP
លោក Zelensky បានថ្លែងនៅក្នុងសន្និសីទកាសែតមួយថា៖ «ខ្ញុំបានអំពាវនាវទៅលោកពូទីនភ្លាមៗ។ ខ្ញុំបានប្រាប់ទៅលោកពូទីនថា បញ្ហានេះមិនអាចនាំឲ្យយើងឈានដល់សន្តិភាពនោះទេ» ដោយបានបន្ថែមថា លោកបានជំរុញឲ្យលោក ពូទីន ស្នើទៅក្រុមបំបែកខ្លួនគាំទ្រដោយក្រុងម៉ូស្គូឲ្យ «ឈប់សម្លាប់ប្រជាជនរបស់យើងតទៅទៀត»។
លោក Zelensky បានថ្លែងថា៖ «នេះ មិនមែនជាល្បែងក្មេងលេងនោះទេ»។
មេដឹកនាំប្រទេស អ៊ុយក្រែន រូបនេះ បានថ្លែងថា លោកបាន «សន្ទនាតាមទូរស័ព្ទយ៉ាងយូរ» ជាមួយលោក ពូទីន កាលពីព្រឹកថ្ងៃពុធ នៅពេលពួកគេបានប្រកាសតាមទូរស័ព្ទជាសាធារណៈលើកទី២ ចាប់តាំងពីអតីតអ្នកកំប្លែងលោក Zelensky បានជាប់ឆ្នោត កាលពីខែមេសាមកនោះ។
ក្រុងកៀវ បានថ្លែងកាលពីថ្ងៃអង្គារថា ទាហាន ៤ នាក់បានស្លាប់ នៅក្នុងការវាយប្រហារគ្រាប់បែកដៃមួយគ្រាប់ ជាចំនួនច្រើនបំផុតជារៀងរាល់ថ្ងៃ ចាប់តាំងពីបទឈប់បាញ់មួយ បានចូលជាធរមានកាលពីថ្ងៃទី ២១ ខែ កក្កដានោះ៕ SK
