.jpg)
ប្រជាជនមើល ខណៈសមាជិកការពារជនស៊ីវិលស្វែងរកជនរងគ្រោះនៅក្រោមគំនរបាក់បែក។ AFP
ក្រុងជីស្រាល់ស៊ូហ្គើៈ ក្រុមឃ្លាំមើលសិទ្ធិមនុស្សបាននិយាយថា ការផ្ទុះគ្រាប់បែកដាក់ក្នុងរថយន្តកាលពីថ្ងៃពុធបានបណ្តាលឲ្យមនុស្ស ១៥ នាក់ស្លាប់ នៅក្នុងនោះមានជនស៊ីវិល ១២ នាក់ទៀតបានរងរបួសនៅស៊ីរីភាគពាយព្យគ្រប់គ្រងដោយក្រុមជីហាដ ខណៈក្រុមជួយសង្គ្រោះបានស្វែងរកមនុស្សដែលបានជាប់នៅក្រោមគំនរបាក់បែក។
អ្នកកាសែត AFP ម្នាក់នៅកន្លែងផ្ទុះបានឃើញអគារមួយយ៉ាងហោចណាស់មានកម្ពស់ ៤ ជាន់ដែលបានដួលរលំនៅក្នុងក្រុងជីស្រាល់ស៊ូហ្គើនៅក្នុងខេត្តអ៊ីដលីប ជាតំបន់មួយដែលគ្រប់គ្រងដោយអតីតក្រុមអាល់កៃដានៅប្រទេសស៊ីរី។
នៅពីមុខអគារមួយដែលបានបាក់ស្រុតបន្តិចបន្តួចមានអគារជាច្រើនព័ទ្ធជុំវិញនោះបានបង្ហាញឲ្យឃើញថាជិតបាក់រលំទៅហើយ។
សន្តិសុខការពារស៊ីវិលម្នាក់បានគាស់កកាយផ្ទាំងបេតុងដ៏ធំមួយដែលបានបាក់រលំ ដើម្បីស្វែងរកក្រុមជនរងគ្រោះទាំងនោះ ខណៈក្រុមសន្តិសុខការពារស៊ីវិល ៣ នាក់ទៀតក៏បានជួយរុករកផងដែរ។
យោងតាមក្រុមឃ្លាំមើលសិទ្ធិមនុស្សស៊ីរីមានមូលដ្ឋាននៅអង់គ្លេសបានឲ្យដឹងថាជនស៊ីវិល ១៣ នាក់នៅក្នុងចំណោមអ្នកដែលបានស្លាប់នៅក្នុងការបំផ្ទុះនោះនៅមិនទាន់បានដឹងច្បាស់អំពីមូលហេតុនៃការស្លាប់ភ្លាមៗនោះនៅឡើយទេ។
ប្រមុខក្រុមឃ្លាំមើលសិទ្ធិមនុស្សលោក Abdel Rahman បានថ្លែងថា៖ «ការបំផ្ទុះនោះបានវាយប្រហារនៅក្បែរផ្សារ» ដោយបណ្តាលឲ្យមនុស្ស ១៥ នាក់ស្លាប់នៅក្នុងនោះមានកូនស្រីរបស់យុទ្ធជន Turkestani ម្នាក់ផងដែរ។
កាលពីពេលថ្មីៗនេះលោក Abdel Rahman បានថ្លែងថាការផ្ទុះនោះអាចបណ្តាលមកពីការបំផ្ទុះគ្រាប់បែកដាក់ក្នុងរថយន្ត៕ SK
