ក្រុងសាណាៈ ដោយបែកបាក់បណ្តាលមកពីសង្គ្រាមនោះ ពលរដ្ឋយេម៉ែនប្រមូលផ្តុំគ្នានៅក្នុងក្រុងសាណាដែលកាន់កាប់ដោយក្រុមឧទ្ទាម ហើយក្រុងអាដែនគ្រប់គ្រងដោយរដ្ឋាភិបាលរយៈពេល៤ឆ្នាំមកនេះ បានធ្លាក់ចូលទៅក្នុងជម្លោះមួយ ដែលបានបង្កឲ្យមានវិបត្តិមនុស្សធម៌ដ៏សោកនាដកម្ម ហើយប្រជាជន ប្រាថ្នាចង់បានសន្តិភាពយ៉ាងខ្លាំង។
សម្រាប់ប្រទេសក្រីក្រមួយនេះ មានពលរដ្ឋតិចតួចណាស់ ដែលគេចមិនស្តាប់ការឃោសនាជារៀងរាល់ថ្ងៃ និងពាក្យសម្តីខ្លាំងៗរបស់ភាគីសង្រ្គាមដែលបានជំរុញឲ្យក្រុមអ្នកគាំទ្ររបស់ពួកគេ ប្រយុទ្ធជាមួយក្រុមសត្រូវ។
ជម្លោះនោះកើតឡើងនៅគ្រប់ទីកន្លែងចេញពីក្រុមជនប្រដាប់អាវុធនៅក្នុងសម្លៀកបំពាក់យោធាជាច្រើន ដែលកំពុងធ្វើដំណើរដើរទៅតាមផ្លូវចន្លោះអគារតូចចង្អៀតនៅតាមផ្លូវផ្សារជាច្រើនដែលនៅលើជញ្ជាំងមានបិទរូបថតក្រុមអ្នកប្រយុទ្ធ«ដើម្បីសាសនា»ជាច្រើនផងដែរ។
ទោះបីជានៅភាគីខាងក្រុមឧទ្ទាមហ៊ូធីដែលជាសម្ព័ន្ធមិត្តអ៊ីរ៉ង់ ឬកងកម្លាំងរដ្ឋាភិបាលគាំទ្រដោយអារ៉ាប៊ី សាអ៊ូឌីតក្តី ក៏ប្រជាជនយេម៉ែន កំពុងតែតស៊ូជាមួយសង្គ្រាម ដើម្បីអាយុជីវិត ដោយបានជំរុញឲ្យប្រទេសដ៏ក្រីក្របំផុតរបស់ពិភពអារ៉ាប់មួយនេះ ធ្លាក់ចូលទៅក្នុងមាត់ជ្រោះនៃការអត់ស្បៀងអាហារយ៉ាងខ្លាំង៕ SK