ក្រុងតូក្យូៈ ព្យុះទីហ្វុងមានកម្លាំងខ្លាំង ដែលវាយប្រហារជប៉ុនក្នុងរយៈពេល ២៥ ឆ្នាំ បានបង្កឲ្យបាក់ដីកាលពីថ្ងៃអង្គារដោយមនុស្សជាង ១ លាននាក់ត្រូវជំរុញឲ្យជម្លៀស ខណៈព្យុះនេះបោកបក់នៅភាគខាងលិចរបស់ប្រទេសនេះ ដោយមានកម្លាំងខ្យល់ខ្លាំង និងភ្លៀងធ្លាក់ច្រើន។
ព្យុះទីហ្វុងជេប៊ី (Jebi) ដែលល្បឿនខ្យល់បក់ ២១៦ គីឡូម៉ែត្រក្នុង ១ ម៉ោង បានបក់អូសនាវាមួយគ្រឿងដែលចតនៅក្នុងឈូងសមុទ្រអូសាកា (Osaka) ចូលទៅក្នុងស្ពាន ១ និងព្រលានយន្តហោះអន្តរជាតិ Kansai នៅលើកោះនៅក្នុងឆ្នេរនោះត្រូវលិចទឹក។
ប៉ុន្តែប៉ុន្មានម៉ោងក្រោយមក ព្យុះបង្កឲ្យបាក់ដីនោះ មិនមានរបាយការណ៍អំពីការខូចខាតធ្ងន់ធ្ងរ នៅកន្លែងណាមួយនោះទេ និងក៏គ្មានអ្នករបួសដែរ។
រូបភាពជាច្រើននៅលើទូរទស្សន៍រដ្ឋ NHK បានបង្ហាញឲ្យឃើញថា កំពូលនៃនាវានោះបានបុកចូលទៅក្នុងផ្នែកនៃស្ពានដែលភ្ជាប់ក្រុង Izumisano ជាមួយព្រលានយន្តហោះនោះ តែមិនមានរបាយការណ៍អំពីអ្នករងរបួសទេ។
ប្រព័ន្ធផ្សព្វផ្សាយក្នុងស្រុកជាច្រើន បាននិយាយថា ផ្លូវយន្តហោះរត់ និងជាន់ក្រោមដីនៃព្រលានយន្តហោះនោះ ត្រូវលិចទឹកភ្លៀងដោយសារព្យុះនោះ។ ជើងហោះហើរទាំងអស់ត្រូវលុបចោល។
ព្យុះទីហ្វុងជីប៊ីនេះកំពុងធ្វើដំណើរយ៉ាងលឿននៅតាមផ្លូវភាគឦសាន និងត្រូវបានរំពឹងទុកថា នឹងចុះខ្សោយ ខណៈវាឆ្លងកាត់ប្រទេសជប៉ុន។ បញ្ហាអាកាសធាតុធ្ងន់ធ្ងរនេះ បង្កឲ្យមនុស្សរាប់ម៉ឺននាក់ គ្មានអគ្គិសនីប្រើប្រាស់ និងជើងហោះហើរត្រូវលុបចោល៕