.jpg)
បុរសឥណ្ឌា ស្រាវាឡើងលើអគារដែលត្រូវបានបំផ្លាញដោយសារព្យុះហ្វានី។ AFP
ក្រុឃុលណាៈ ព្យុះស៊ីក្លូនហ្វានី បានថយចុះសម្ពាធ ខណៈព្យុះនេះ បានបោកបក់ចូលប្រទេស បង់ក្លាដែស កាលពីថ្ងៃសៅរ៍ ក្រោយពីបានធ្វើឲ្យមនុស្សបាត់បង់ជីវិត និងខូចខាតទ្រព្យសម្បត្តិយ៉ាងច្រើននៅក្នុងប្រទេស ឥណ្ឌា។
របាយការណ៍សារព័ត៌មាន បានឲ្យដឹងថា មនុស្ស ១២ នាក់ បានស្លាប់ នៅក្នុងប្រទេស ឥណ្ឌា ហើយប៉ូលិសនៅបង់ក្លាដែស បានដាក់ចំនួនអ្នកស្លាប់ដូចគ្នាជាចំណែកនៃចំនួនស្លាប់ដែលត្រូវបានគេមើលឃើញនៅក្នុងព្យុះស៊ីក្លូន កាលពីអតីតកាល ដោយបានធ្វើក្រុមអាជ្ញាធរទទួលបានការសរសើរពីអង្គការសហប្រជាជាតិ។
ក្រុមមន្ត្រី បាននិយាយប្រាប់ AFP ថា ដោយមនុស្ស ១,២ លាននាក់ ត្រូវបានជម្លៀសនៅក្នុងរដ្ឋអូឌីហ្សានៃប្រទេស ឥណ្ឌា និងមនុស្សជាង ១,៦ លាននាក់ ត្រូវបានបញ្ជូនទៅកាន់ជម្រកនានា ហើយយ៉ាងតិច ៣៦ ភូមិ ត្រូវលិចទឹកជំនន់ ដោយមានព្យុះភ្លៀងខ្លាំង និងផ្ទះសំបែងជាង ២ ពាន់ខ្នង ត្រូវបានបំផ្លាញ។
លោក Benazir Ahmed មន្ត្រីគ្រប់គ្រងគ្រោះហន្តរាយបង់ក្លាដែស បានថ្លែងប្រាប់ AFP ថា៖ «មនុស្ស ៦ នាក់ បានស្លាប់ ក្រោយពីពួកគេត្រូវដើមឈើរលំសង្កត់ ឬ ជញ្ជាំងថ្មស្រុតបាក់ និង ៦ នាក់ស្លាប់ដោយសាររន្ទះបាញ់»។
នៅក្នុងទីប្រជុំជនឆ្នេរសមុទ្រ Banishanta ជាទីដែលទំនប់មាត់ច្រាំងបានបាក់ និងប្រជាជនប្រហែល ២៥០ គ្រួសារ ត្រូវបានជម្លៀសទាំងយប់ ផ្ទះជាច្រើនខ្នងលិចទឹក ខណៈផ្ទះស្បូវមួយចំនួន ត្រូវទឹកហូរផាត់ទៅបាត់អស់៕ AFP/PSA
