ក្រុងបាងកកៈ ព្រះមហាក្សត្រថៃកាលពីថ្ងៃអង្គារ បានមានព្រះរាជបន្ទូលគាំទ្រគណៈរដ្ឋមន្ត្រីថ្មី និងណែនាំពួកគេថា ត្រូវប្តេជ្ញាចិត្តដើម្បីបម្រើប្រទេស និងប្រជាជន។
ព្រះអង្គបានថ្លែងសុន្ទរកថាទៅកាន់ក្រុមរដ្ឋមន្ត្រីថ្មី ដែលដឹកនាំដោយលោកនាយករដ្ឋមន្ត្រី ប្រាយុធ ចាន-អូចា ក្រោយពីពួកគេបានសច្ចាប្រណិធានចូលកាន់តំណែង នៅអំឡុងពេលពិធីសម្បថនៅឯភូមិគ្រឹះអាំបារ៉ា វីឡានៅក្នុងព្រះបរមរាជវាំងឌូស៊ីត ផា ឡេស នៅម៉ោង ៦ ល្ងាច កាលពីថ្ងៃអង្គារ។
ព្រះអង្គត្រូវបានអមដំណើរដោយអគ្គមហេសីរបស់ព្រះអង្គផ្ទាល់។
ព្រះអង្គបានមានព្រះរាជបន្ទូលថា៖ «យើងសូមជូនពរ និងគាំទ្រអស់ពីចិត្តចំពោះអ្នកទាំងអស់គ្នា។ សូមអ្នកទាំងអស់គ្នាត្រូវជឿជាក់ និងធ្វើការប្តេជ្ញាចិត្តដើម្បីអនុវត្តតួនាទីរបស់អ្នក និងគោរពតាមពាក្យសម្បថទាំងអស់ ដែលអ្នកទាំងអស់គ្នាបានធ្វើ ដើម្បីផ្តល់សុភមង្គល និងសន្តិសុខជូនប្រទេស និងប្រជាជន»។
ព្រះអង្គបានមានព្រះរាជបន្ទូលថា៖ «ការងារនីមួយៗមានឧបសគ្គ និងផលវិបាកជាច្រើនរបស់ខ្លួន។ ដូច្នេះការដោះស្រាយបញ្ហា គឺជារឿងធម្មតា ដូច្នេះរដ្ឋាភិបាលរបស់ប្រទេសមួយនេះអាចដំណើរការទៅដោយរលូន»។
រដ្ឋាភិបាលចាំបាច់ត្រូវដោះស្រាយបញ្ហាសំខាន់ៗ និងត្រូវរឹងមាំ និងមានភាពអត់ធ្មត់ឲ្យបានច្រើន។ យើងសូមជូនពរឲ្យក្រុមគណៈរដ្ឋមន្ត្រីទាំងអស់ អនុវត្តតួនាទីរបស់អ្នកឲ្យបានត្រឹមត្រូវ និងប្រកបដោយគុណធម៌»។
នៅក្នុងពិធីសម្បថរបស់ក្រុមគណៈរដ្ឋមន្ត្រី ដែលមានវត្តមាននៅពីមុខព្រះភក្ត្ររបស់ព្រះអង្គ ត្រូវរៀបចំធ្វើឡើងទៅតាមច្បាប់រដ្ឋធម្មនុញ្ញ។ នៅពេលចុងបញ្ចប់ រដ្ឋាភិបាលត្រូវធ្វើសេចក្តីថ្លែងការណ៍បង្ហាញអំពីគោលនយោបាយទៅកាន់រដ្ឋសភានៅក្នុងរយៈពេល ១៥ ថ្ងៃ៕ BKP/SK