ក្រុងបាងកក៖ អនុរដ្ឋមន្ត្រីកសិកម្ម និងកិច្ចសហប្រតិបត្តិការលោកស្រី ម៉ែនណានីយ៉ា ថៃស៊ីដ បានជឿជាក់ថា ភាពចម្រូងចម្រាសជុំវិញជីគីមីកសិកម្មមានជាតិពុលកម្រិតខ្ពស់ ៣ ប្រភេទ នឹងត្រូវដោះស្រាយចប់សព្វគ្រប់នៅថ្ងៃអង្គារសប្តាហ៍ក្រោយ ដោយមានគណៈកម្មាធិការជាតិគ្រប់គ្រងសារធាតុបង្កឲ្យគ្រោះថ្នាក់ (NHSC) ទំនងជាបោះឆ្នោតទប់ស្កាត់មិនឲ្យប្រើប្រាស់ជាបន្ទាន់ ដើម្បីអនុវត្តឲ្យមានប្រសិទ្ធភាព។
លោកស្រី ម៉ែនណានីយ៉ា បានថ្លែងកាលពីថ្ងៃចន្ទថា ក្រុមមន្ត្រីកសិកម្ម ៤ នាក់ ដែលបានកាន់តំណែងនៅក្នុងគណៈកម្មាធិការ NHSC មានសមាជិក ២៩ រូប ត្រូវតែធ្លាក់ចេញពីតំណែងរដ្ឋមន្ត្រីនោះ ក្រោយពីក្រសួងបានប្រគល់ការងារនេះឲ្យក្រុមនោះ បោះឆ្នោតមានសំឡេង ៩ ទល់ ០ ក្នុងការទប់ស្កាត់មិនឲ្យប្រើប្រាស់ជីគីមីកសិកម្មទាំងនោះ។
លោកស្រីបានអះអាងថា៖ «គ្មានអ្វីដែលត្រូវព្រួយបារម្ភអំពីតំណាងរបស់យើងទេ»។
លោកស្រី ម៉ែនណានីយ៉ា បានរៀបចំក្រុមគណៈកម្មាធិការ NHSC ដើម្បីពិចារណាអំពីការប្រើប្រាស់ថ្នាំសម្លាប់រុក្ខជាតិ ឃ្លីហ្វូសាត់ និងថ្នាំក្លូរភីរីហ្វូស ក្រោយពីលោកនាយករដ្ឋមន្ត្រី ប្រាយុធ ចាន-អូចា បានសម្តែងការព្រួយបារម្ភ ជុំវិញការប៉ះពាល់សុខភាពដោយសារជីគីមីទាំងនោះ។
កាលពីពេលកន្លងទៅ ក្រុម NHSC បានសម្រេចចិត្តតែមួយគត់ ដើម្បីរឹតត្បិតការប្រើប្រាស់ជីគីមីនោះ រហូតដល់មានជម្រើសផ្សេងល្អជាងនេះ។ ប៉ុន្តែការសម្រេចចិត្តនោះ ធ្វើឲ្យក្រសួងសុខាភិបាលសាធារណៈខកចិត្ត៕ BKP/SK