.jpg)
ទិដ្ឋភាពនៃផ្ទះសំបែងជាច្រើននិងស្ថានីយរថភ្លើងដែលលិចទឹកជំនន់។ AFP
ក្រុងហ៊ីរ៉ូស៊ីម៉ាៈ ចំនួនអ្នកស្លាប់បណ្តាលមកពីទឹកជំនន់ ដែលបានធ្វើឲ្យផ្នែកជាច្រើននៃប្រទេសជប៉ុនខូចខាតយ៉ាងធ្ងន់ធ្ងរ កាលពីថ្ងៃអាទិត្យ បានកើនឡើងដល់ ៥៧ នាក់ ខណៈក្រុមអ្នកធ្វើការងារផ្នែកសង្រ្គើ និងក្រុមទាហាន បានពុះពារដើរលុយភក់ និងទឹក ដើម្បីជួយ អាយុជីវិតមនុស្ស។
ប្រព័ន្ធផ្សព្វផ្សាយតំបន់បានដាក់ចំនួនអ្នកស្លាប់ ៦៧ នាក់ដោយមនុស្សរាប់សិបនាក់ផ្សេងទៀត បាត់ខ្លួន និងចំនួនអ្នកស្លាប់ ត្រូវបានរំពឹងថា នឹងកើនឡើងថែមទៀត។
កាលពីព្រឹកថ្ងៃអាទិត្យលោកនាយករដ្ឋមន្ត្រីស៊ីនហ្សូ អាបេបានជំរុញឲ្យមានកិច្ចប្រឹងប្រែងជួយសង្គ្រោះក្រុមជនរងគ្រោះដោយទឹកជំនន់បន្ទាន់ ខណៈនៅមានមនុស្សជាច្រើនដែលសុវត្ថិភាពរបស់ពួកគេ មិនទាន់ ត្រូវបានធានានោះ។
ភ្លៀងធ្លាក់ខ្លាំង បានបណ្តាលឲ្យមានទឹកជំនន់ហូរលឿន និងបាក់ដីនៅទូទាំងផ្នែកកណ្តាលនិងភាគខាងលិចនៃប្រទេសនោះ ដោយបានជំរុញឲ្យមានបញ្ជាឲ្យជម្លៀសមនុស្សជាង ២ លាននាក់។
ទឹកភ្លៀងបានធ្វើឲ្យលិចភូមិខ្លះទាំងស្រុង ដោយបានបង្ខំឲ្យក្រុមដែលអស់សង្ឃឹមទៅរកជម្រកនៅលើដំបូលផ្ទះរបស់ពួកគេ ដោយទឹកជំនន់ហូរកួចនៅខាងក្រោម ខណៈពួកគេរកការជួយសង្រ្គោះនោះ។
មនុស្សជាង ២ លាននាក់ ត្រូវបានគេប្រាប់ឲ្យជម្លៀស ប៉ុន្តែសេចក្តីសម្រេចទៅលើការជម្លៀស មិនទាន់ត្រូវបានធ្វើឡើងនៅឡើយទេ និងភាគច្រើននៅក្នុងផ្ទះ ដោយជាប់គាំងដោយទឹកជំនន់ ដែល កាន់តែឡើង ឬបាក់ដី។
ទីភ្នាក់ងារឧតុនិយម បានប្រកាសឲ្យមានការប្រុងប្រយ័ត្នខ្ពស់សម្រាប់តំបន់ថ្មី ២ កាលពីថ្ងៃអាទិត្យ។ នៅទីប្រជុំជន Mihara នៅភាគខាងត្បូងនៃតំបន់ហ៊ីរ៉ូស៊ីម៉ា ជាតំបន់រងការប៉ះពាល់ខ្លាំងបំផុត ដោយសារទឹកជំនន់៕
