.jpg)
ទាហានអាហ្វហ្គានីស្ថានម្នាក់ឈរនៅក្បែរកន្លែងរងការវាយប្រហារអត្តឃាតនៅក្នុងក្រុងកាប៊ុលកាលពីថ្ងៃទី១៣ ខែវិច្ឆិកា។ AFP
ក្រុងកាប៊ុលៈ អ្នកនាំពាក្យក្រសួងមហាផ្ទៃបានថ្លែងថា មនុស្សយ៉ាងតិច ៧ នាក់បានស្លាប់ និង ១០ នាក់ផ្សេងទៀតរងរបួស នៅក្នុងនោះមានជនបរទេស ៤ នាក់ នៅពេលរថយន្តធុនតូចមួយគ្រឿងដែលត្រូវបានបង្កប់ជាមួយគ្រឿងផ្ទុះ បានផ្ទុះឡើងនៅក្រុងកាប៊ុលកាលពីព្រឹកថ្ងៃពុធ។
អ្នកនាំពាក្យលោក Nasrat Rahimi បានថ្លែងថា គ្រឿងផ្ទុះនោះ បានកំណត់គោលទៅលើរថយន្ត SUV មួយគ្រឿងរបស់ក្រុមហ៊ុនសន្តិសុខកាណាដាឯកជនមួយ រថយន្តក្រុមហ៊ុន GardaWorld បានផ្ទុះឡើងនៅក្នុងសង្កាត់មួយកន្លែងដែលនៅជិតក្រសួងមហាផ្ទៃនិងព្រលានយន្តហោះក្រុងកាប៊ុលភាគខាងជើង។
លោកបានថ្លែងថា៖ «ជាលទ្ធផលមួយមនុស្ស ៧ នាក់បានស្លាប់ និង ១០ នាក់ផ្សេងទៀត នៅក្នុងនោះមានសមាជិកក្រុមហ៊ុនសន្តិសុខបរទេស ៤ នាក់រងរបួស» ដោយបានពិពណ៌នាអំពីអ្នកស្លាប់នោះថា ជាជនស៊ីវិលអាហ្វហ្គានីស្ថាន។
លោកមិនបានបញ្ជាក់អះអាង អំពីជនបរទេសទាំងនោះថាជាសញ្ជាតិអ្វីនោះទេ។
រដ្ឋមន្ត្រីមហាផ្ទៃលោក Massoud Andarabi បានថ្លែងថា ម្នាក់ក្នុងចំណោមអ្នកស្លាប់ទាំងនោះ គឺជាក្មេងម្នាក់មានអាយុ ១៣ ឆ្នាំ កំពុងធ្វើដំណើរទៅសាលារៀន៕ SK
