.jpg)
ក្រុមអ្នករុករកឥណ្ឌា ធ្វើការនៅកន្លែងដែលអគារស្រុតរលំបន្ទាប់ពីភ្លៀងធ្លាក់ខ្លាំង។ AFP
ក្រុងញូវដែលីៈ ក្រុមមន្ត្រី បាននិយាយកាលពីថ្ងៃចន្ទថា មនុស្សយ៉ាងតិច ៨ នាក់ស្លាប់ នៅពេលផ្ទះ ១ ខ្នង បានស្រុតរលំនៅប្រទេស ឥណ្ឌាភាគខាងជើង បន្ទាប់ពីភ្លៀងរដូវវស្សាធ្លាក់ខ្លាំង ដែលបានបណ្តាលឲ្យមនុស្ស ៨៥ នាក់ស្លាប់ នៅទូទាំងអាស៊ីខាងត្បូង។
ប៉ូលិស បាននិយាយថា ទឹកជំនន់ និងបាក់ដី ដែលបង្កឡើងដោយភ្លៀងធ្លាក់ខ្លាំង បានបណ្តាលឲ្យមនុស្សយ៉ាងតិច ៦៧ នាក់ស្លាប់ នៅទូទាំងប្រទេស នេប៉ាល់ ខណៈដែលមនុស្សជាង ៣០ នាក់ កំពុងបាត់ខ្លួននោះ។
នៅក្នុងជំរំជនភៀសខ្លួនរ៉ូហ៊ីងយ៉ាដែលមានមនុស្សយ៉ាងច្រើនរស់នៅនៅក្នុងប្រទេស បង់ក្លាដែស ភាគអាគ្នេយ៍ មនុស្ស ១០ នាក់បានស្លាប់ និងផ្ទះរាប់ពាន់ខ្នងត្រូវបានបំផ្លាញចាប់តាំងពីខែមេសាមក។
សោកនាដកម្មទាក់ទងនឹងភ្លៀងរដូវវស្សាអគារកម្ពស់ ៤ ជាន់ មួយនៅលើចង្កេះភ្នំនៅឥណ្ឌាភាគខាងជើងនៃរដ្ឋហ៊ីម៉ាចាល ប្រាដេស្ហ បានស្រុតបាក់ ដោយបានបណ្តាលឲ្យមនុស្ស ៨ នាក់ស្លាប់ និង ៧ នាក់ផ្សេងទៀត ជាប់ក្នុងអគារនោះ។
អគារនោះស្ថិតនៅក្បែរគោលដៅទេសចរណ៍ដ៏ពេញនិយម Shimla បានស្រុតបាក់ កាលពីថ្ងៃអាទិត្យ។
ក្រុមអ្នកធ្វើការរុករកបានស្វែងរកអ្នកនៅរស់ក្រោមបំណែកបាក់បែក ខណៈគ្រឿងចក្រធុនធ្ងន់ទាញយកបន្ទះដែក និងខ្សែលួសចេញបំណែកថ្មដែលកប់ភក់។
មន្ត្រីតំបន់ លោក K.C. Chaman បាននិយាយថា មនុស្ស ៨ នាក់ស្លាប់នៅក្នុងអគារស្រុតបាក់រលំ ដោយសារភ្លៀងធ្លាក់ខ្លាំង៕ AFP/PSA
