.jpg)
ប្រជាជនឈរនៅចន្លោះបំណែកថ្មីនៅតាមបណ្តោយផ្លូវមួយក្រោយការវាយប្រហារអត្តឃាតបណ្តាលឲ្យមនុស្សយ៉ាងតិច៨នាក់ស្លាប់។ AFP
ក្រុងក្វេតតា៖ មន្ត្រីបានថ្លែងថា មនុស្សយ៉ាងតិច ៨ នាក់ នៅក្នុងនោះមានមន្ត្រីប៉ូលិស ២ នាក់បានស្លាប់ និងមនុស្សមួយចំនួនផ្សេងទៀតរងរបួស នៅក្នុងការបំផ្ទុះគ្រាប់បែកអត្តឃាតមួយកាលពីថ្ងៃចន្ទនៅប៉ាគីស្ថានភាគនិរតី។
មន្ត្រីប៉ូលិសជាន់ខ្ពស់លោក អាប់ឌុល រ៉ាហ្សហ្សាហ្គឈីម៉ា បានថ្លែងប្រាប់ AFP ថា ការវាយប្រហារអត្តឃាតបានកើតឡើងនៅក្នុងទីក្រុងហ្គឺតតាភាគនិរតី នៅក្នុងខេត្តបាឡូឈីស្ថាន ដែលពោរពេញទៅដោយសកម្មភាពបះបោរនៅទីនោះ។
ជនអត្តឃាតវ័យក្មេងរូបនោះ បានកំពុងព្យាយាមចូលទៅកន្លែងប្រមូលផ្តុំសាសនាមួយ ប៉ុន្តែប៉ូលិសរារាំងគាត់នៅកន្លែងរបាំងការពារសន្តិសុខមួយកន្លែង។
លោក ឈីម៉ា បានថ្លែងថា៖ «ខណៈប៉ូលិសបានកំពុងត្រួតពិនិត្យបុរសរូបនោះ ហើយគាត់ក៏បានចុចបំផ្ទុះគ្រាប់បែកបង្កប់នៅក្នុងអាវកាក់របស់គាត់ ដោយបានបណ្តាលឲ្យមនុស្ស ៨ នាក់ស្លាប់ នៅក្នុងនោះមានប៉ូលិស ២ នាក់ ចំណែកឯមនុស្ស ២៣ នាក់ផ្សេងទៀតបានរងរបួស»៕ SK
