.jpg)
អ្នកតវ៉ាហែក្បួនគាំទ្រសកម្មជនដែលអាជ្ញាធរចាប់ដាក់ពន្ធនាគារ។ AFP
ក្រុងម្យីក្យីណាៈ អ្នកតវ៉ារាប់ពាន់នាក់កាលពីថ្ងៃអង្គារ បានដង្ហែក្បួននៅតាម ដងផ្លូវនានានៅមីយ៉ាន់ម៉ាភាគខាងជើងប្រឆាំងការចាប់សកម្មជនប្រឆាំងសង្គ្រាម ៣ នាក់ដាក់ពន្ធនាគារ ជាការបង្ហាញកំហឹងជាសាធារណៈដ៏កម្រមួយ។
កាលពីថ្ងៃសុក្រ លោក Lum Zawng លោក Nang Pu និងលោក Zau Jet ត្រូវតុលាការកាត់ទោសឲ្យជាប់ពន្ធនាគារ ៦ ខែ ហើយពិន័យជាទឹកប្រាក់ប្រហែល ៣២០ ដុល្លារ ពីបទជេរប្រមាថយោធា ក្រោយពីការជួយរៀបចំធ្វើការតវ៉ាមួយនៅក្នុងក្រុងម្យីក្យីណានៃរដ្ឋកាឈីនកាលពីខែមេសា កន្លងទៅ។
ពួកគេកំពុងបង្ហាញខ្លួននៅក្នុងស្ថានភាពដ៏អាក្រក់របស់ជនស៊ីវិលរាប់ពាន់នាក់បានធ្លាក់ចូលទៅក្នុងការវាយប្រហារគ្នារវាងយោធា និងក្រុមអ្នកបះបោរជនជាតិភាគតិចនៅរដ្ឋកាឈីន នៅក្នុងសង្គ្រាមមួយក្នុងចំណោមសង្គ្រាមស៊ីវិល ដែលមានរយៈពេលដ៏យូរជាងគេបំផុតនៅក្នុងពិភពលោកនោះ។
កាលពីថ្ងៃអង្គារ ក្រុមបាតុករភាគច្រើនដែលមុខរបស់ពួកគេត្រូវលាបពណ៌ក្រហម និងបៃតងនៅក្នុងរដ្ឋកាឈីន បានកាន់បដា និងស្រែកបន្ទរពាក្យស្លោកប្រឆាំងការដាក់ក្រុមសកម្មជន និងប្រព័ន្ធតុលាការ។
មេដឹកនាំបាតុកម្ម លោក Naw Aung បានប្រាប់ AFP ក្រោយពីក្បួនដង្ហែនោះបានឆ្ពោះទៅកាន់ពហុកីឡដ្ឋានដ៏ធំរបស់ក្រុងថា ៖«ពួកយើង បានទាមទារឲ្យក្រុមអាជ្ញាធរដោះលែងមនុស្សរបស់ពួកយើងជាបន្ទាន់»។
អ្នករៀបចំ បាននិយាយថា មនុស្សប្រហែល ៤ ពាន់នាក់ ចូលរួមការតវ៉ានោះ៕
